Excellentissimo domino eorum Ladizlao Dei gracia Illustri Regi Hungarie Capitulum Ecclesie Nitriensis oraciones in Domino assiduas et deuotas. Nouerit Vestra Excellencia, quod cum nos receptis in litteris mandatis vestris cum homine vestro Symone filio Vyda de Sancto Johanne ad reambulandum possessionem Alexandri filij Zoth de Agar Kezthelen vocatam, discretum virum Magistrum Clementem Ecclesie nostre Lectorem transmisissemus; ijdem ad nos reuersi nobis concorditer retulerunt, quod ipsi feria tercia proxima post festum Beatorum Philippi et Jacobi Apostolorum proxime nunc preteritum, ad faciem possessiouis Kezthelen accedentes, conuocatis vicinis et commetaneis omnibus, ipsam reambulassent et statuissent ut suam hereditariam ipsi Alexandro et suis heredibus nullo contradictore existente perpetuo possidendam sub metis et terminis infra sriptis. Incipiendo videlicet a fiuuio Vag exit et transit siluam ipsius Vag in parte orientali ad quandam metam, que est in meatu antiquo in quodam loco arundinoso; abinde tendit ad quendam lacum, circa quem sunt tres mete; quem lacum transeundo tendit ad uiam quandam; quam similiter transeundo peruenit ad quendam mege spinosum, in quo sunt due mete, et per eundem mege progrediendo transit viam publicam Regni, circa quam est antiquus meatus aque, et prope eundem meatum sunt due mete; abbine in parte meridionali per planiciem procedendo peruenit ad locum fontis cuiusdam, et in eodem loco angulando flectitur et tendit ad quoddam nemus kyserdew vocatum, (in) latere cuius sunt due mete; et transeundo ipsum kyserdew tendit ad quoddam pratum, in quo est vna meta; abinde peruenit ad fluuium Duduag; quem transit, et per metas peruenit ad uiam; in eadem via progrediendo peruenit ad vadum in Duduach existentem. Et hee sunt seperantes ab alio Kezthelen; abinde in parte aquilonali per prata et metas tendit iterum ad fluuium Duduag, vbi circa quasdam magnas arbores transit iterum ipsum fluuium Duduag ad tres metas; abinde tendit ad kereknayr, vbi sunt due mete; abinde per metas et prata transit iterum viam magnam Regni, et peruenit ad duas metas sub quibusdam arboribus existentes; abinde tendit ad quendam lacum Huscywton dictum, quem transit, et per prata et metas peruenit iterum ad quendam lacum, quem transit circa quasdam arbores ad duas metas non remote existentes; abinde transeundo meatum cuiusdam aque tendit quasi ad superiorem finem cuiusdam insule in fluuio Vag existentis; et per ipsum fluuium Vag descendit ad metas priores, vbi terminatur.

(IV. László királynak 1274-ki megerősítő privilegiumából, mint fentebb 106. sz. a.)