Ladizlaus Dei gracia Hungarie, Dalmacie, Crouacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris presens scriptum intuentibus salutem in salutis largitore. Cum instancia exigat, racio postulet, Jus Diuinum et Ciuile persuadeat, proficeat et saluti, vt ea quo iuste, rite racionabiliterque in forma judicij a nostris parentibus progenitoribusue consilio Baronum Regni ad hoc adhibito et consensu secundum juris ordinem diffinita sint sentencialiter et decreta, approbare, firma et rata habere et stabilire congruat, vt finis litibus inponatur, et legitime accionata per sentenciam Regiam iam sopita remanere debeant in suo robore duratura; ad peticionem et instanciam venerabilis patris J. Dei gracia Episcopi Quinqueecclesisarum dilecti et fidelis Baronis nostri, priuilegium karissimi patris nostri super terris seu predijs possessionibusue Preloz, Lipponuk, Rosisna et Somkut vocatis, inter eundem venerabilem patrem et fratres suos Job minorum filium Zah Comitis et fratres eiusdem de genere Zah ex una parte, et Detricum Caluum filiosue suos, et Lukach fratresque eiusdem ex altera, sentenciam prolatam continens, per eundem dominum Episcopum Quinqueecclesiensem nobis humiliter exhibitum et ostensum vidimus et legi fecimus, et eiusdem continenciam audiuimus, et examussum studuimus ipsum priuilegium examinare, tam in carta, stilo, littera et modo, quam in sigillo, filo, annotacione Dominice Incarnacionis simulque regnantis anni et mense, equitatis gracia suadente; inuenimus quoque, ipsum priuilegium non deletum, non abrasum, non cancellatum, non falsatum, non uiolatum, nec in sui aliqua parte viciatum, nec alicuius redargucionis vicio subicetum. Cuius quidem tenor priuilegij tenor per nos et per nostros Barones tunc presentes diligencius inspectum et examinatum attencius talis est:

Stephanus Dei gracia Hungarie stb. Rex stb. (következik V. István királynak 1272-ki okmánya, mint fentebb 49. szám alatt.)

Vnde cum nobis et Baronibus nostris tunc presentibus dictum priuilegium de sciencia et consciencia, voluntate et consensu karissimi patris nostri, eodemque patre nostro iubente datum, concessum conscriptumque constiterit manifeste, sitque cordi nobis, extincte litis carbones reaccendere mollientibus obuiare, ne lites fiant inmortales, decreuimus sentencialiter de consilio Baronum nostrorum tunc presencium, dictum priuilegium acceptare seu admitti, admissumque approbare, munire, et confirmacionis robore stabilitum a nobis, et ab omnibus nostre dicionis, ad alijs cuiuscunque temporis jedicibus vniuersis haberi et teneri perempniter, Detrico et filijs suis, Lukach fratribusque eiusdem, ac eorum heredibus heredumque successoribus super iam dictis terris, predijs, possessionibusue, et earum pertinencijs et attinencijs perpetuum silencium exigente iusticia inponentes. In cuius rei testimonium et memoriam eternam presentes concessimus dupplicis sigilli nostri munimine consignatas. Datum per manus venerabilis viri Magistri Benedicti Sancte Strigoniensis Ecclesie Archyelecti, eiusdemque loci Comitis perpetui, Prepositi Budensis, et aule nostre Vice-Cancellarij dilecti et fidelis nostri anno Domini MşCCşLXXş quinto, Regni autem nostri anno quarto, Venerabilibus patribus Stephano Colochensi et Johanne Spalatensi Archiepiscopis, Andrea Agriensi, Job Quinqueecclesiensi, Gregorio Chanadiensi, Philipo Wachyensi aule domine Regine Cancellario, Tymoteo Zagrabyensi, Lodomerio Waradyensi, Dyonisio Jauriensi, Petro Transsiluano Episcopis, et Petro Electo et confirmato Wesprimiensi Ecclesias Dei feliciter gubernantibus; Petro Palatino, Comite Supruniensi et Judice Cumanorum, Vgrino Judice Curie nostre, Thoma Bano tocius Sclauonie, Ladizlao Woyuoda Transsiluano et Comite de Zonuk, Matheo Magistro Tauarnicorum, Stephano Magistro Dapiferorum nostrorum Comite de Bana et Bursyensi, Lorando Magistro Tauarnicorum domine Regine karissime consortis nostre, Comite de Zana, Mykud Bano de Zeurino, Moys Judice Curie domine Regine Comite Symigiensi, Herrando Comite Castri Ferrei, Bagyn Comite Zaladiensi, Mychaele Comite Nitriensi et alijs quam pluribus Comitatus Regni tenentibus et honores.

(I. Lajos királynak 1354-ki megerősítő okmányából, a budai kir. kamarai levéltárban.)