Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire, quod Nicolao filio Ponyth Bani de genere Myskouch ex una parte, ab altera uero Thoma filio Bedek de Perezne pro se et pro Andrea ac Alexandro fratribus suis, et pro Martino filio Rosoyn fratris sui; Item Stephano filio Elye de eadem Perezne pro se et pro Demetrio fratre suo, seruientibus ipsius Nicolay coram nobis personaliter constitutis; per prefatum Nicolaum propositum extitit, quod dimidietatem cuiusdam possessionis sue Bagus vocate in Comitatu de Karazna existentis, per dictum patrem suum aquisite, dedisset et tradidisset dictis filijs Bedek et filijs Elye in concambium terre Aranyas vocate in Comitatu de Borsod existentis, - - - (pro fidelitate) - -, quam ipsi filij Bedek et filij Elye a primeuo sue etatis tempore sibi exhibuerunt et inpenderunt, et specialiter pro morte Johannis filij predicti Elye, qui cum Ladizlao fratre eiusdem Nicolay in exercitu domini Regis contra Comanos in Howd habito extitit interemptus, sub eisdem certis metis et terminis, quibus dictus pater suus et ipse possidebant, cum vniuersis vtilitatibus et pertinencijs suis, et specialiter cum terra Morous vocata ad ipsam possessionem Bogus pertinente, dedisset et contulisset eisdem filijs Bedek et filijs Elye, sibi et suis heredibus heredumque suorum successoribus jure perpetuo et irreuocabiliter pacifice possidendam et habendam; ita tamen, quod dimidietas ipsius possessionis Bogus cedet filijs Bedek antedictis; altera vero dimitietas cedet filijs Elye prenotatis. Insuper obligauit se dictus Nicolaus et heredes suos, predictos filios Bedek et filios Elye ac heredes eorundem vniuersos, ab omnibus racione predicte possessionis inpetere nitentibus defendere et expedire proprijs laboribus et expensis, et in pacifica possessione ipsius terre indempniter conservare. In cuius rei testimonium ad instantem peticionem parcium presentes concessimus litteras, sigilli nostri post plagam Tartarorum secundo renouati munimine roboratas. Presentibus tamen Magistro Haab Preposito, Saulo Lectore, Laurencio Cantore, Mykow Custode, Marko de Patha, Mathya de Nouo Castro, Paulo de Borsua, Martino de Heues, Gregorio de Zobouch Archydiaconis, et alijs multis. Anno Domini MşCCş septuagesimo quinto; regnante Ladizlao illustri Rege Hungarie, Lodomerio Strigoniensi, Johanne Colocensi Archiepiscopis; domino nostro venerabili patre Andrea Dei gracia Episcopo Agriensi existentibus.

(Az egri káptalannak 1356-ki átiratából, a mélt. báró Perényi család levéltárában.)