Conuentus Domus Hospitalis Jerosolumitani de Alba omnibus presentes litteras inspecturis salutem in Domino sempiternam. Ad vniuersorum noticiam tenore presencium uolumus peruenire, quod Gabrianus filius Jacou de Pochunta, et Comes Herricus filius Nicolai de Vritnyak cum fratre suo Nicolao Comite ad nostram presenciam accedentes retulerunt, quod idem Gabrianus terram Bobra uocatam in Comitatu de Wolko existentem, sex aratrorum quantitatis, certis et antiquis metis ac terminis ab omni parte sui distinctam, et a Dominico filio Egue de Dobra comparatam, titulo empcionis, nullo aIio participante, sicut dixit, pro quindecim marcis argenti plene habitis et receptis predicto Comiti Herrico et sue posteritati se confessus est uendidisse et assignasse perpetuo possidendam; cui quidem Comiti Herrico raciona commetaneitatis et vicinitatis sue dinoscebatur competere ad emendum. Assumpsit eciam idem Gabrianus ipsum Comitem Herricum et suos heredes ac successores ab omni lite racione eiusdem terre emergente expedire suis laboribus et expensis. In cuius rei testimonium et perpetuam firmitatetm presentes litteras nostro sigillo dedimus communitas, anno Domini MşCCşLXXş quinto, quarto idus Aprilis, Fratre Guillermo Priore, eodemque Custode Ecclesie nostre; et fratre Vgone Preceptore Domus existente.

(Eredetie bőrhártyán, a barna selyemzsinóron függött pecsét elveszett; a budai kir. kamarai levéltárnak Zágrábban lévő részében.)