Johannes Episcopus seruus seruorum Dei venerabili fratri ... Archiepiscopo Jadrensi salutem et Apostolicam benedictionem. Sua nobis dilecti filij Prior et Conuentus Ordinis Predicatorum Jadrensis conquestione monstrarunt, quod licet per litteras Sedis Apostolice sit inhibitum, ut nullus Ecclesias aut loca fratrum predicti Ordinis ausu temeracio presumat infringere, aut in illis violentiam damnabilem exercere; ad statutum, ut illi, qui postposito timore Diuini Numinis secus facere presumpserint, ipso facto sententiam excommunicationis incurrant, a qua non possint absolui, nisi per eandam Sedem, vel Conseruatorem ab ipsa dictis fratribus aut eidem Ordini deputatum; Marcus tamen et Michaeldicti Comites, Miroslaus Trazon, et Buchze, ciues Nonenses adiuuctis sibi nonnullis iniquitatis filijs ad locum, quem dicti Conuentus et Prior habebant in predicta ciuitate Nonensi hostiliter accedentes, et in quosdam ex dictis fratribus manus iniicientes, Dei timore postposito, temere violentas, partem loci eiusdem diruere, et bona dictorum fratrum ibidem inuenta rapere et asportare neqniter presumpserunt, in dictorum Prioris et fratrum graue preiudicium, et scandalum plurimorum. Quocirca fraternitati tue per Apostolica scripta mandamus, quatenus si de huiusmodi manuum iuiectione, et loci predicti dirutione legitime tibi constiterit, predictos sacrilegos tamdiu, appellatione remota, escommunicatos et publice enuncies, et facias ab omnibus arctius euitari, donec super iis satisfecerint competenter, et absolutionis sue beneficium assequantur; eosdem quoque, quod bona ipsa dictis Priori et fratribus restituant integre, ut tenentur, monitione premissa per censuram ecclesiasticam, appelatione remota, preuia ratione compellas. Testes autem, qui fuerint nominati, si se odio, gratia vel timore subtraxerint, censura simili, apellatione cessante, compellas veritati testimonium perhibere. Datum Viterbii idibus Octobris anno Pontificatus nostri primo.

(Farlati Dániel, Illyricum Sacrum V. köt. Velencze 1775. 80. l.)