C B A

Conuentus Monasterij Waradiensis vniuersis Christi fidelibus presentibus pariter et futuris presentes litteras inspecturis salutem in Domino sempiternam. Ad vniuersorum noticiam tenore presencium uolumus peruenire, quod Comes Leonardus de Nempty pro Dominico, Dyonisio et Paulo filijs Berekun de uilla Boxa, jobagiones Castri de Koazd ab altera coram nobis personaliter constituti proposuerunt: quod cum super facto cuiusdam particule terre ipsorum Pousa et Paulus in terra Dominici, Dyonisij et Pauli filiorum Comitis Leonardi predictorum Boxa vocate, quam ijdem filij Comitis Leonardi ex Regia donacione possident, communiter existentis, Kukynys, Chelleus Comites, Stephanus de Bokona, Pobor, Bolosey de Peturd, et Sebastianus filius Deme, in ipsa uilla Boxa in quindenis residencie exercitus arbitrari debuissent inter partes; tandem mediantibus predictis Bolosey, Sebastione filio Deme, Chellev filio Mathey, et Sebastiano filio Jakobi per ipsas partes de suis arbitris ad arbitrium faciendum ad ipsam villam Boxa adductis, ipsisque arbitrantibus, predicte partes in talem pacis et concordie unionem deuenissent, prout seriem ipsius arbitrij factam per arbitros predictos inter ipsas partes super particula terre predicte in litteris Preceptoris Domus Milicie Templi et predictorum arbitrorum plenius uidimus contineri; quod predictam particulam terre ipsorum Pousa et Paulus prefati arbitri separantes a terra Dominici et suorum fratrum predictorum sub certis metis ab vna parte reliquissent ipsis Pousa et Paulus possideudam. Mete autem ipsius particule terre, que cessit in porcionem Pousa et Paulus pre dictorum, hoc ordine distunguntur; prout distincciones ipsarum metarum in ipsis litteris Preceptoris et arbitrorum predictorum vidimus contineri, sicut eciam predicte partes nobis retulerunt uiua uoce: Prima meta incipit a parte orientali a quodam fluuio, ubi sunt due mete terree, in quarum una est gyabukur, ita videlicet, quod terra a parte septemtrionali adiacens cessisset Dominico, Dyonisio et Paulo predictis, alia uero parte a parte meridionali existente remanente Pousa et Paulo memoratis; deinde recte procedendo uersus occidentem uadit ad unam arborem nucis, sub qua sunt due mete terree; deinde recte procedendo in codem gyamege uenit ad uiam, que uadit ad uillam Isip de Boxa, iuxta quam uiam sunt due mete terree; abhinc prodedendo uenit ad duas metas, in quarum vna est dymulchynbukur; hinc uenit ad duas metas, in quarum una est arbor pomi; exinde recte procedendo uersus occidentem uenit ad magnam uiam, que de Boxa uadit ad uillam Bugad, ubi sunt due mete terree angulares; deinde recte procedendo ad partem meridionalem uenit ad duas metas terreas ueteres et antiquas, que separant a parte meridionali terram filiorum Isip a terra Pousa et Paulus predictorum, et a parte occidentali a terra Dominici et suorum fratrum prefatorum, ibique terminatur. Preterea quantitas ipsius particule terre, que cessit in porcionem Pousa et Paulus predictorum cum omnibus suis utilitatibus est sufficiens culture duorum aratrorum; prout ijdem arbitri uisu potuissent annotare. In cuius rei testimouium presentes litteras cum alpabeto intercisas concessimus sigilli nostri munimine roboratas. Datum anno Domini MşCCş septuagesimo sexto, Valtero Decano, Bonfacio Custode, eodemque Cantore existentibus.

(Eredetie bőrhártyán, hártyazsinegen függő pecsét alatt; a főmélt. herczeg Eszterházy család levéltárában.)