In nomine Domini nostri Jesu Christri amen. Anno Nativitatis eiusdem millesimo ducentesimo septuagesimo sexto, indictione quarta, die duodecimo intrante Februarii. Presentibus dominis Marco Dodo, sotio honorabilis viri domini Marci Michaelis Comitis Abseri, Gabriele de Topertis, Notario dicti domini Comitis, Benedicto Baldo de Venetiis et aliis. Androssius Cerne, Judices Abseri una cum Consilio eiusdem more solito congregato; Janettus Simeon Petricha Judices Kersii una suo Consilio more solito congregato; Dragossius Jacobus, Judices Lubinice una cum Consilio more solito congregato; Petregus Craynico, Judices Kafixuli una cum suo Cosilio more solito congregato, constituerunt, ordinaverunt adque fecerunt honorabilem virum dominum Marcum Michaelem Comitem Abseri, Budissa condam Vicecomitem, Zerne Andream condam Zupani, Johannem condam Dragogne adque Piculum, Juanne filius condam Andree presentes et alii absentes et cum modo quo melius legitimi sindici, actores, yconomi et procuratores et nuntios spetiales, coram Magnifico domino Jacobo Contareno inclito Duce Venetiarum, ad petendum de misericordia Comitem perpetualiter, et rendentes et exigentes in omnibus causis et litibus, quas dictus Marcus Michael Comes Abseri cum prenominatis hominibus in Venetiis habent seu habere possent occasione frumenti acceptum per Abserinos et Kersinos, in quocumque loco et coram cocumque iudice tam in agendo quam in defendendo, excipiendo et replicando, et generaliter ad omnia et singula libere facienda et exercenda, que veri et legitimi sindici seu procuratores facere et exercere possent, et que causarum merita exigent et requirunt, et que eisdem sindicis visa fuerint facienda tam circa principales petitiones seu lites qam causarum prosecutione et sententie seu sententiarum executione eisdem sindicis libera procuratione concessa; promittentes supradicti Judices cum suis Comunitatibus mihi Notario stipulanti nomine, quorum interest vel intererit, ratum et firmunt habere et observare quicquid per predictum dominum Comitem, et Budissa, et Cerne Andream, Johannem Piculum et Juannem, sindicos seu procuratores, factum fuerit in predictis et circa predicta vel aliquo predictorum aut eorum occasione sub ypotheca bonorum dictarum, Comunitatum; et ea soluta vel non, hec omnia antedicta rata sint et firma. Actum est hoc Kersium in palatio Comunis.

P. H. Ego Compagnus Filippi de Montesco, Aule Imperialis Notarius, de hiis rogatus scripsi et publicavi.

(Ljubics Monumenta spectantia historiam Slavorum Merid. I. kötet. 112. lap.)