Nos Ladizlaus Dei gracia Rex Hungarie significamus vniuersis presencium per tenorem, quod nos Regali moderamine considerantes vniuersa; prospicere uoluimus meliora, ita unientes, seu uniri procurantes, vnam Ecclesiam religiosam alii religiosiori subiciendo, ut subiecta ab omnibus honeribus et sordidis muneribus, quibus aggrauari consueuerat, penitus releuetur, et Ecclesia, cui debita annectitur unione, incrementum recipiat et tutelam. Pro tanto Ecclesiam Sancti Regis de Teluky, Ordinis Beati Benedicti, que propter Patronorum defectum fere ad exinanicionem extreme uirtutis deuenerat, vt et a multiplicibus grauaminibus releuetur, et in suis iuribus proteccione debita conseruetur; tam in Ecclesia seu Monasterio, quam in suis pertinencijs, predijs videlicet, capellis, obediencijs, grangijs, villis, vineis, siluis, molendinis et alijs omnibus possessionibus, qucunque nomine censeatur, Ecclesie Beatissime Virginis Sanctimonialium Ordinis fratrum Predicatorum de Insule Danobii vniuimus seu subiecimus pleno iure; ita quod ipse Sanctimoniales de Insula emolumentum competens percipiant de fructibus Ecclesie supradicte, et in ipsa Ecclesia fratres Deo famulantes modo debito sustententur; ne propter necessariorum defectum in ipsa Ecclesia Diuine laudis organum suspendatur. Datum in Pesth in crastino Sancti Barnabe Apostoli anno Domini MşCCş septuagesimo septimo.

(Eredetie bőrhártyán, a királynak hátul odanyomott pecsétjével, a budai kir. kamarai levéltárban. - Hibás évszámmal és különben is számos hibával kiadva Fejérnél Cod. Dipl. V. köt. 2. r. 548. l.)