Nycolaus Woyuoda Transiluanus et Comes de Zounuk proximis suis karissimis Ladizlao et Donch, Nicolao et Francisco filijs Boxa Magistris, proximitatis debitum et se totum. Cum nos in vestre proximitate confidenciam et spem geramus specialem, et nune tempus assit et aduenerit, quo vestre proximitatis indicia nobis possitis demonstrare: proximitatem vestram petimus diligenter, quatenus aliquos de uestris, ac alios nobiles in partibus illis constitutos statim visis presentibus, quanto honestius et decencius potestis, ad nos in Medyes cum filijs Jakow et filijs Pauli Bani transmittatis; pro quo nos in omnibus vobis inuenietis promto prompciores. Insuper autem vestram, et vestrorum quos ad nos transmiseritis, faciemus in omnibus uoluntatem; et sicut de nobis confidimus, aliud facere non uelitis. Datum in Lippua sabbato proximo ante festum Beati Laurencij martiris.

Kivül: Proximis suis karissimis Ladizlao et Donch Nicolao et Francisco Magistris.

(Eredetie bőrhártyán, a mélt. báró Vécsey család Sárköz-Ujlakon őrzött levéltárában.)