Omnibus Christi fidelibus tam presentibus quam futuris presens scriptum Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire; quod Buhta filio Otrochyk in Comitatu Gumur pro se et pro Petrizlau, Martino, Nemel, fratribus suis vterinis; item Ladizlao filio Leustachij fratris predictorum pro se et pro alijs fratribus suis filijs eiusdem Leustachij ab una parte; Nycolao filio Stacz pro se et pro Sank ac Petro fratribus suis ex altera, coram nobis personaliter constitutis, per Buhta et Ladizlaum predictos propositum extitit, quod Nycolaus et fratres sui prenotati ipsi Ladizlao et fratribus suis pro morte predicti Leustachij patris ipsorum ac dicto Buhta pro amputacione manus eiusdem, et pro alio vulnere eidem illato, sibi ac alijs fratribus suis antedictis soluissent viginti marcas, et eosdem super premissis reddidissent et coram nobis reddiderunt expeditos; obligantes se predicti Buhta et Ladizlaus, et heredes suos, ac fratres ipsorum prenotatos, ipsum Nycolaum et fratres suos ac heredes eorundem recione premissorum molestare nitentibus expedire proprijs laboribus et expensis. E conuerso autem prefatus Nycolaus super mutilacione manus sue ipsum Buhta et alios fratres suos predictos reddidit coram nobis omnino expeditos. In cuius rey testimonium ad instanciam parcium presentes contulimus sigilli nostri munimine roboratas. Presentibus tamen Mychaele Preposito, Thoma Lectore, Marko de Pata, Anthonio de Sumbun, Vrbano de Zobolch, Petro de Vng, Saulo de Bursia, Paulo de Kemey Archidyaconis et alijs multis; anno Domini MşCCşLXXş septimo. Regnante Ladizlao illustri Rege Vngarie; Strigoniensi Sede vocante, Stephano Colocensi Archiepiscopo, et domino nostro venerabili patre Andrea Episcopo Agriensi existentibus.

A B C

(Eredetie bőrhártyán, melynek zöld-vörös selyemzsinóron függött pecsétje elveszett, a budai kir. kamarai levéltárban.)