Nos Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in Domino sempiternam. Diuini Numinis incomprehensibilis altitudo Regni gubernacula Regibus Catholice fidei eo comittit felicius gubernanda, quo ijdem Reges Ecclesias Christi sanguine rubicatas, sue tutele comissas nituntur ditare in temporalibus vberius seu dotare. Proinde ad vniuersorum noticiam tam presencium quam futurorum harum serie uolumus peruenire: quod nos pia douocionis consideracione, quam ad Gloriosam Dei Genitricem, que cuiquam fidelium nouercari non nouit, habemus, benignissime inducti, insulam supra Danubium circa Veterem Budam existentem, que quondam Insula Leporum wlgariter, nunc autem Insula Beate Virginis Marie nuncupatur, cum muris, terris, habitatoribus presentibus et futuris, ac alijs utilitatibus omnibus, et breuiter quicquid iuris habemus vel habere potuissemus, aut eciam habere debuissemus in eadem, totum ex nunc libere damus, donamus et concedimus uterine sorori nostre karissime, domine uidelicet Elizabeth, ac omnibus dominabus, sororibus uidelicet Monasterij Beate Virginis in eadem insula Deo iugiter famulantibus, et Monasterio supradicto, perpetuo et irreuocabiliter pessidenda; volentes et concedentes, quod a modo tam ipsum Monasterium Virginis Intemerate, quam vniuerse religiose sorores in eodem feliciter degentes, collacione huius insule per nos regaliter facta, secure et illibate gaudeant et fruantur. In cuius rei memoriam firmitatemque perpetuam presentes concessimus litteras dupplicis sigilli nostri robore communitas. Datum per manus venerabilis viri Magistri Thome Albensis Ecclesie Electi aule nostre ViceCancellarij, dilecti et fidelis nostri anno Domini MşCCşLXXşVIIIş, Regni autem nostri anno sexto.

(Eredetie bőrhártyán, sárga-ibolyaszínű selyemzsinóron függő pecsét alatt; a budai kir. kamarai levéltárban. Nevezetes eltérésekkel közölve Fejérnél Cod. Dipl. V. köt. 2. r.. 436. l.)