N(icoalus) Banus tocius Sclauonie vniuersis Judicibus, Collectoribus marturinarum et zulusinarum pro tempore constitutis salutem et graciam. Cum dominus noster Ladizlaus, illustris Rex Vngarie, Comitatum de Guersenche cum premissis collectis marturinarum, septem denariorum, zulusinis, Judiciis, iurisdiccionibus ac aliis redditibus et proventibus eiusdem venerabili patri domini Thymotheo Dei gracia Episcopo Zagrabiensi perpetualiter duxerit conferendum, prout per privilegium ipsius domini nostri Regis nobis patuit evidentet; vobis firmiter precipientes mandamus: quatenus de huiusmodi collectis et judiciis vos nullomodo intromittere presumatis, ymo volumus, quod omnino et expresse manus vestras retrahatis, aliud facere nullatenus presumatis. Datum Zagrabie, die dominico proximo post festum Omnium Sanctorum anno Domini MCCLXXVIII.

(Tkalcsics, Monum. hist. Episc. Zagrabiensis I. köt. 191. l.)