Nicolaus Banus tocius Sclauonie universis Christi fidelibus presentes litteras inspecturis salutam in Domino. Ad universorum noticiam tenore presencium volumus pervenire, quod Petro, filio Borch, de genere Agha, ex una parte, et Magistro Manfredo, Archidiacono de Gerche, Decano Ecclesie Zagrabiensis, vice et nomine Capituli eiusdem ex altera, coram nobis personaliter constitutis, idem Petrus dixit et confessus est: quod cum famis inedia et periculo propter instantem temporis sterilitatem laboraret, terram suam hereditariam Cozolyn vocatam, distinctam et terminatam certis metis infrascriptis, existentem in montibus supra Casna Capituli, prope ecclesiam Beati Mathei, cum omnibus utilitatibus, silvis videlicet, terris arabilibus, nemoribus, locis molendinorum, vineis et aliis omnibus appendiciis spectantibus ad eandem, vendidisse prefato Capitulo pro viginti sex marcis denariorum Zagrabiensium, quaram singule quinque pense marcam tunc temporis faciebant; quam summam pecunie ab eodem Capitulo dixit se habuisse et plenarie recepisse. Assumpsit nichilominus idem Perus et se firmitur obligavit, ut ab omnibus occasione ipsius prefatum Capitulum volentibus inpetere aut eciam molestare, expedire teneretur suis laboribus, sumptibus vel expensis. Astantibus eciam Potola et Borch fratribus dicti Petri, Dytrico, et Beryzlao fratre eiusdem, de generacione dicti Petri, commetaneis eiusdem, qui facte vendicioni et empcioni suum prebuerunt consensum et assensum. Cuius quidem terre prima meta incipit a parte meridyonali a terra Cruciferorum de Planyna in una valle per quoddam potok Zopoth nominatum; et per ipsum potok tendit sursum versus occidentem et pervenit ad terras Dytrici et Boryzlai fratris eiusdem; deinde exit de potok ad duas arbores tul et cherfa vocatas, cruce signatas et metis terreis circumfusas; unde procedit ad berch unum ad duas arbores tulfa vocatas metis terreis circumfusas; et per ipsum berch ascendit ad montem, ubi est meta terrea; unde venit ad duas arbores cherfa vocatas metis terreis circumfusas, et per eundem montem descendit ad duas metas terreas; deinde venit ad duas arbores cherfa vocatas metis terreis circumfusas; unde venit in vallem ad unum potok versus septemtrionem, ubi est arbor cherfa meta terrea circumfusa; et per ipsum potok tendit sursum ad caput illius potok, ubi est arbor cherfa meta terrea circumfusa; unde parum procedendo ascendit in montem ad viam puplicam per quam itur ad Vorosd, ubi sunt quatuor mete terree; deinde per eundem montem tendit versus orientem et pervenit ad duas metas terreas, ubi iungitur terre Potul; inde vadit ad arborem pyrus, meta terrea circumfusam; unde parum procedendo pervenit ad una metam terream, a qua descendit per vallem circa domum Potula, ubi est arbor castanee cruce signata; deinde ascendit in montem ad arborem castaneam cruce signatam et meta terrea circumfusam; unde descendendo per vallem pervenit ad arborem castanearum cruce signatam et meta terrea circumfusam, a qua venit in arborem egurfa vocatam et meta terrea circumfusam; inde procedens pervenit ad unum potok, ubi est arbor egurfa cruce signata, et per ipsum potok venit ad arborem egurfa cruce sipnatam, ubi exit de potok et tendit per vallem versus montem et pervenit ad arborem nyrfa cruce signatum; deinde per montem venit ad vallem ad duas arbores cher cruce signatas et metis terreis circumfusas; inde pervenit ad unum potok, ubi est arbor gertan cruce signata; unde ascendit ad montem et pervenit ad duas arbores nyrfa cruce signatas; deinde per vallem descendit in sylvam ad arborem cher cruce signatam, meta terrea circumfusam unde venit ad arborem nyr cruce signatam; ab inde ad arborem byk, cruce signatam; inde ad arborem naar vocatam, cruce signatam; unde parum procedendo pervenit ad unum potok, ubi est arbor naar cruce signata, et per ipsum potok ascendendo pervenit ad arborem jawar, cruce signatas; deinde venit ad montem, qui wlgo berch dicitur, ubi est via que vadit ad Glaunicha, et per eandem viam venit ad arborem castaneam cruce signatam; unde per viam pervenit ad duas arbores haas et nyr cruce Signatas, et meta terrea circumfusas ad metas angulares; unde regirat in vallem versus meridiem ad arborem castaneam cruce signatam; inde procedendo pervenit per eandam vallem ad potok, ubi sunt due arbores byk cruce signate; deinde transit per potok ascendendo ad montem pervenit ad duas arbores byk cruce signatas; unde venit ad montem, ubi sunt due arbores nyr, metis terreis circumfuse, ubi vicinatur terre Vychech; inde procedit per eundem montem et pervenit ad quamdam rupturam Gurhut vocatam; unde pervenit ad unum potok, et transiliens ipsum potok revertitur in unum berch, ubi sunt tres arbores cheer cruce signate; inde ascendit ad unum monticulum Cueshegh vocatum, a quo descendendo pervenit ad arborem cher meta terrea circumfussam; unde procedens per vallem pervenit ad primam metam Zopot supradictam. In cuius rei memoriam, et ut huiusmodi empcio et vendicio robur optineat firmitatis, ad instanciam parcium presentes concessimus litteras sigilli nostri munimine roboratas. Datum Zagrabie anno Domini millesimo CCLXX. nono.

(Tkalcsics, Monum. histor. Episcopatus Zagrabiensis I. köt. 199. lap.)