Conuentus Monasterij Sancti Egidij de Simigio omnibus Christi fidelibus presentibus pariter et futuris presentes litteras inspecturis salutem in salutis auctore. Ad vniuersorum noticiam tenore presencium volumus peruenire: quod Comes Alexander filius Endre de Iha, et Blasius filius suus, ab una parte; Dominicus filius Stephani personaliter pro se et pro Clemente fratre suo, Henche iobagio Castri de villa Zeuleus personaliter pro se, Lamperto et Ipolito filijs suis, Benke filius Volkemer de eadem villa Zeuleus ex altera; ad nostram accedentes presenciam, Dominicus filius St. de uoluntate fratris sui uendidit vineam suam cum terra sua contigua sibi adiacente, emptam a Henche filio Lamperti cum priuilegio Capituli Vesprimiensis, pro sex marcis argenti Comiti Alexandro et filio suo supradictis perpetuo possidendam, receptis ipsis sex marcis plene ab eisdem. Item Henche filius Lamperti supradictus de uoluntate et permissione filiorum suorum superius nominatorum uendidit vineam suam iuxta eandem vineam, quam antea vendiderat, contigue adiacentem pro sex marcis Comiti Alexandro et filio suo prememoratis perpetuo irreuocabiliter possidere; receptis ipsis sex marcis plene et integraliter ab eisdem. Ceterum Benke filius Volkemer antedictus uendidit sedecim iugera terre, fenetum ad duas falcaturas suffieiens uno die, cum loco molendini Balcun uocato; quarum terrarum quatuordecim iugera et ipsum fenetum iacent a parte occidentis ultra aquam, et duo iugera a parte orientis, permittentibus uicinis et cognatis suis omnibus pro sex marcis denariorum Comiti Alexandro et filio suo sepedictis, ac eorum heredibus heredumque successoribus iure perpetuo et irreuocabiliter possidere. Obligacione tali interposita, quod si qui temporis processu super prefatis uendicionibus, videlicet uineis, terris, loco molendini et feneto contra Comitem Alexandrum et Blasium filium suum aut eorum heredes in forma litis, vel quoquomodo insurgerent; extunc Dominicus et Clemens filij Stephani, Henche filius Lamperti, Lampertus et Ipolitus filij sui, Benke filius Volkmer, quilibet ipsorum pro sua parte, et per ipsos successores eorum proprijs laboribus et expensis expedire tenerentur. In cuius rei testimonium et perpetuam stabilitatem ad peticionem parcium presentes dedimus litteras nostri sigilli munimine roboratas. Datum anno ab Incarnacione Domini MşCCşLXXş nono. Venerabili patre domino Elya Abbate nostro, Benedicto Decano, Luca Custode, Balduino Cantore, ceterisque fratribus existentibus.

(Eredetie bőrhártyán, a hártyazsinegen függő pecsét alatt; a főmélt. herczeg Batthyáni család levéltárában.)