Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum inspecturis salutem in filio Uirginis Gloriose. Ne ea que aguntur in tempore simul cum temporis labilitate elabantur, litterarum solent testimonio roborari. Proinde ad vniuersorum tam presencium quam posterorum noticiam harum serie uolumus peruenire, quod nos consideratis continuis fidelitatibus et assiduis seruicijs meritorijs Stephani Comitis de Bokon, et Petri fratris sui, filiorum uidelicet Comitis Marcy de genere Chak, fidelium nostrorum, que ijdem nobis in diuersis Regni nostri negocijs nobis adhuc in etate tenera constitutis laudabiliter impenderunt, se et sua diuersis fortune casibus pro bono nostro et Regni nostri commodo submittere nullatenus formidando: nos ipsorum seruicijs, si non in toto, sed saltim in aliqua sui parte respondere cupientes Regio cum fauore, ut alij eo inspecto ardencius ad fidelitatis opera exercenda incitentur; quoddam Castrum nostrum Kabold uocatam, in Comitatu Supruniensi situm et ad eundem Comitatum spectans, ac inmediate ad Regiam pertinens collacionem, cum omnibus suis utilitatibus et pertinencijs vniuersis quibus actenus Comites Suprunienses pro tempore constituti tenuerunt, contulimus, dedimus et donauimus ipsis Comiti Stephano et Petro fidelibus nostris perpetuo et irreuocabiliter possidendam. In cuius rei memoriam perpetuamque firmitatem presentes concessimus litteras sigilli nostri dupplicis munimine roboratas. Datum per manus discreti viri Magistri Bartholomei aule nostre ViceCancellarij dilecti et fidelis nostri anno Domini MşCCş octuagesimo, quartodecimo kalendas Septembris, indiccione octaua, Regni autem nostri anno octauo.

(Eredetie bőrhártyán, melyről a király pecsétjének töredéke vörös-sárga selyemzsinóron függ, a budai kir. kamarai levéltárban.)