Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus tam presentibus quam futuris presentes litteras inspecturis salutem in omnium saluatore. Ad vniuersorum noticiam tenore presencium volumus peruenire, quod Magister Andreas filius Abraham de Berenche ad nostram accedens presenciam exhibuit nobis priuilegium nostrum super collacione quarundem terrarum Castri nostri Symigiensis, et sanctiferorum, et Jacobi iobagionis Castri Symigiensis sine herede decedentis, Pezye uocatarum, tempore puericie nostre concessum, peteus a nobis cum instancia, ut nos ipsum priuilegium ratum habere et nostre dignaremur priuilegio innouare. Cuius quidem priuilegij tenor talis est:

Ladizlaus Dei gracia Hungarie stb. Rex stb. (következik IV. László királynak 1276-ki adománylevele, mint fentebb 141. sz. a.)

Nos itaque ipsius Magistri Andree iustis peticionibus annuentes Regio cum fauore, attendentesque eiusdem seruicia graciosa et meritoria obsequia, que idem nobis et Regno in exercitu nostro generali, quem contra Regem habuimus Boemorum, vbi Deo dante felicem victoriam sumus consecuti, non sine sui cruoris effusione exhibuit et impendit ut fideliter sic deuote; quia inspeximus ipsum priuilegium nostrum non abrasum, non cancellatum, nec in aliqua sui parte vicitatum, ymo collacionem predictam censemus rite factam, in etate legitima constituti idem de uerbo ad uerbum presentibus insertum de consensu Baronum nostrorum innouamus et innouando confirmamus dupplicis sigilli nostri munimine roboratas. Datum per manus discreti viri Magistri Bartholomei Prepositi Agriensis Aule nostre ViceCancellarii dilecti et fidelis nostri anno Domini MşCCşLXXXş, quartodecimo kalendas Octobris, Regni autem nostri anno octauo.

(Eredetie bőrhártyán, vörös-zöld selyemzsinóron függő pecsét alatt a főmélt. herczeg Batthyáni család levéltárában.)