Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris presens scriptum inspecturis salutem in omnium saluatore. Ad vniuersorum noticiam harum serie volumus peruenire: quod Wolph, Valentinus, Georgius, Stephanus, Benedictus, Dank et Symon, ac cognati eorum, jobagiones Castri nostri de Vngh ad Nostre Serenitatis accedentes presenciam, humiliter inopiam et paupertatem eorum exponentes, a Nostra Maiestate postularunt, vt possessionem ipsorum hereditariam Tyba vocatam in Comitatu de Vngh existentem, liberum arbitrium alienandi et uendendi, cuicunque vellent, eisdem dare et conferre dignaremur. Nos itaque peticionibus ipsorum iustis et legitimis aures Regias fauorabiliter inclinatas de benignitate Regia annuimus et permisimus predictos jobagiones Castri nostri, possessionem ipsorum Tyba memoratam, vt liberam haberent vendendi uel alienandi quoquomodo voluerint facultatem. In cuius rei memoriam perpetuamqoe firmitatem ad instanciam et peticionum predictorum jobagionum Castri presentes concessimus litteras duplicis sigilli nostri munimine roboratas. Datum per manus discreti viri Magistri Bartholomei aule nostre ViceCancellarij dilecti et fidelis nostri anno Domini MşCCş. octuagesimo tercio, Regni autem nostri anno decimo.

(Az egri káptalannak 1373-ki »in festo preciosissimi Corporis Christi« I. Lajos királynak 1373. »Datum in Gyosgewr die dominico post Ascensionem Domini« kelt megkerésére a »Nobilium de Nogmihal« számára kiadatott átiratából; a budai kir. kamarai levéltárban.)