- - - - - - - - - - - - - - - - - - - Paulus de Chwth procurator Stephani de Rozgon in causam attracti - - quasdam litteras produxit; quarum prima videlicet dicti condam domini Ladislai Regis sub pendenti dupplici ipsius sigillo confecta, dataque per manus discreti viri magistri Bartholomei aule sue ViceCancellarij anno Domini millesimo ducentesimo octuagesimo, sedecino kalendas Septembris, indiccione octaua, Regni autem sui anno octauo enodabat; quod Comes Machox fidelis et familiaris thauernicus eiusdem condam domini Ladislai Regis ad ipsius accedens presenciam, de Sua Maiestate Regia humiliter supplicando postulasset, vt ipsum ob merita seruiciorum suorum sibi impensorum, et per eum Zumbor fratrem suum, Farcasium et Boesz filios Bene, Gyroult (et) Augustinum filios Gregorij, Helys et Kemyn cognatos suos de villa Thymar de populis tauarnicorum suorum oriundos ab onere ipsius tauarnicatus eximere cum terra ipsorum in villa Thymar existente, et in cetum ac collegium Regalium seruiencium suorum transferre dignaretur. Ipse itaque condam dominus Ladislaus Rex consideratis seruicijs ipsius Comitis Machox, quo ab adolescencie suc temporibus, primum domino Stephano Regi patri eiusdem condam domini Ladislai Regis, ac tandem sibi impendit, cum idem condam dominus Ladislaus Rex dicto Rege Stephano patre suo ingresso viam carnis vniuerse, Regni gubernacula et Regis solium adeptus fuisset iure et ordine geniture; quia dictus Comes Machox in domo eiusdem condam domini Ladislai Regis iugiter famulando, et diuersis actibus suis et conspicuorum seruiciorum suorum generibus multipliciter coram oculis ipsius condam domini Ladislai Regis meruisset commendari, et ob fidelitatem Corone Regie debitam se diuersis fortune casibus submittere nunquam formidasset, voluntatem et preceptum ipsius condam domini Ladislai Regis sagaciter in omnibus loco et tempore opportuni effectui mancipando, eo eciam tempore, cum Regnum eiusdem condam domini Ladislai Regis per bellum intestinum et extrinsecum puericie sue temporibus fere ad exinanicionem virtutis estreme deuenisset, idem Comes Machox in legacionibus dicti condam domini Ladislai Regis multiplicibus insudando, in omnibus et per omnia pro commodo Regni sui inuigilando, suam effecisset voluntatem; in recompensacionem ipsius Comitis Machox seruiciorum sibi cum diligencia summe fidelitatis impensorum, et que sibi impendere posset in futurum, ipsum Comitem Machox, et per eum Zumbor fratrem suum vterinum, Farcasium, Boesz, Gyroult, Augustinum; Helys et Kemyn cognatos suos antedictos de condicione thauarnicorum suorum, cum terris ipsorum in villa Thymar existentibus, duxisset ex liberalitate Regia eximendos, tam pure et simpliciter, vt de cetero idem Comes Machox, frater et cognati sui memorati, et eorum heredes, heredumque suorum successores super terris eorum in villa Thymar existentibus, illa et eadem gauderent libertate, qua ceteri nobiles Regni perfruerentur sub vexillo Regio militantes. Secunda predicti Comitis Pauli in Wyssegrad stb.

(XIV. századi oktavális itéletnek eredeti példányából.)