Ladizlaus Dei gracia Rex Hungarie fidelibus suis Abbati et Conuentui Symigiensi salutem et graciam. Cum nos Chumoteum cum tribus filijs suis, Petrum cum duobus fratribus suis, et Buhtus cum fratribus suis, vduornicos nostros de villa Telky in Comitatu Symigiensi existentes, sub eadem condicione et libertate, qua nobis tenentur, simul cum terris suis, domine Elysabeth, sorori nostre karissime, duxerimus conferendos; fidelitati uestre mandamus precipiendo, quatenus mittatis testimonium uestrum ydoneum, coram quot Nicoalus filius Vros homo noster, ipsos vduornicos nostros simul cum terris suis statuat eidem domine Elysabeth ad seruicia eorum consueta exercenda, que nobis inpendere consueuerunt ab antiquo, si non fierit contradictum, contradictores autem si qui fierent, ad nostram citet presenciam ad terminum competentem, diem citacionis et terminum nobis rescribatis. Datum in Gumseed in dominica Inuocauit.

(A somogyi konvent jelentéséből, mint alább 265. sz. a.)