Elyzabeth Dei gracia Regina Hungarie vniuersis Christi fidelibus tam presentibus quam futuris salutem in Domino sempiternam. Justum est et consentaneum equitati, ut iura subiectorum, que fuerant mole potencie uel suggerencium malicia occupata, ueritate cognita cedant omnia veritati iuris pristino restuarato. Proinde ad vniuersorum noticiam harum serie volumus peruenire, quod accedens ad nostram presenciam Magister Alexander filius Teodori de Babun de Comitatu Symigiensi, nobis humiliter suplicauit, ut medietatem terre sue Babun hereditarie ad tria aratra, quam domina Maria Regina, quondam consors incliti Regis Bele clare memorie, potencialiter abtulerat a Teodoro patre suo, et condicionalibus Reginalibus, vini scilicet datoribus ad usum eorundem fecerat assignari, sibi restitui benignitate et mansuetudina debita faceremns. Nos itaque nolentes ex officii nostri debito aliquorum iura vel iusticiam pergrauare, cum teneamur singulos ex fastigio suscepti regiminis in sua iusticia consernare, ne iura quorumlibet indebite occupando inde nasceretur iniuria; vnde debuit per legitimos tramites presumpcionis audacia cohiberi, deliberato consilio fidelium Baronum nostrorum, ad instanciam eciam domini nostri Regis illustris, consortis nostri karissimi, circa reformacionem et restitucionem medietatis ipsius terre Babun fidelibus nostris Capitulo Albensi, nec non Nobilibus de Comitatu Symigiensi et Tolnensi, commetaneis et comprouincialibus eiusdem terre, sub fidelitate et fide Corone debita dedimus in mandatis, ut omnem de ipso negocio perscrutabiliter inquisitam et scitam nobis transsciberent veritatem. Qui quidem Capitulum Albense nobis in suis litteris rescripserunt in hec uerba: Excellentissime Domine sue Elyzabeth D. gr. Illustri Regine Hungarie stb. (következik a fehérvári káptalannak jelentése, mint alább 260. sz. a.)

Hoc idem eciam Nobiles de Comitatu Symigiensi et Tolnensi ad fidem suam et fidelitatem Corone Regie debitam plenarie rescripserant. Et quanquam ad primam peticionem eiusdem Magistri Alexandri in restitucione sui iuris prima vice nostrum duxerimus priuilegium concedendum; ut cum veritas sepius exagitata magis splendescat in lucem, ex inquisicione iterata de ipsius negocij veritate plenius informate certo cercius connoscentes, dictam medietatem terre Babun ad quantitatem trium aratrorum iuris fuisse eiusdem Magistri Alexandri et patris ipsius, cuius alteram medietatem semper possedit in pace; cupientes, ut quod suggestione maliuola fuerat perturbatum, in ius pristinum restauretur: cum idem Magister Alexander domino nostro Regi, ac patri et auo ipsius, Regibus illustribus, nec non et Nobis circa Nostre Serenitatis mandata seu negocia semper deuotum impenderit famulatum; medietatem dicte terre Babun ad tria aratra, cum omni plenitudine, et circumstancijs ac pertinencijs suis restituimus eidem Magistro Alexandro, et per eum suis heredibus heredumque suorum successoribus perpetuo possidendam; eisdem vinidatoribus super hoc perpetuum silencium inponentes. Vt autem super hoc imposterum nulla ualeat contencio uel litis materia suboriri, (in) eiusdem rei perpetuam firmitatem presentes litteras concessimus dupplicis sigilli nostri munimine roboratas. Datum per manus venerabilis patris Thome Episcopi Vachyensis Aule nostre Cancellarij anno Domini MşCCş octuagesimo.

(Eredetie bőrhártyán, sárga-vörös selyemzsinóron függő pecsét alatt; a főmélt. herczeg Batthyáni család levéltárában.)