Nicolaus Episcopus servus servorum Dei, venerabili fratri ... Archiepiscopo Jadrensi salutem et Apostolicam benedictionem. Ad audientiam nostram pervenit, quod nobilis vir Marcus Michael Comes Arbensis, Stephanus de Forma, Madius de Pairco, et Zodenicus de Zodenicis, tunc Judices Arbenses, contra dilectum filium Franciscum, Abbatem Monasterii Sancti Petri Ordinis Sancti Benedicti Arbensis Diecesis, spiritu diabolico concitati, cum idem Abbas, pro quo Comes et Judices prefati miserant, ut veniret ad eos in Civitatem Arbensem, accessisset ad illos, Comes et Judices prelibati Abbatem ipsum per multos dies in palatio Sancte Crucis, capelle ipsius Monasterii, fame, siti, pluribusque aliis afflictum iniuriis, stare fecerunt, et constitutis in Monasterio ipso procuratoribus pro sue libito voluntatis, eundem Abbatem ad illud redire libere minime permiserunt; sicque Comite et Jidicibus ipsis prefato Abbato, eodem Monasterio iurisdictionibus et bonis aliis spoliato, asserentibus se velle Abbatem ipsum comburere, Abbas ipse timens sibi mortis periculum iminere, ac credens, se non posse aliter huiusmodi periculum cvitare, per vim et metum, qui cadere poterat in constantem, regimini ipsius Monasterii est renuntiare coactus, et de non veniendo contra renuntiationem huiusmodi, ac iure aliquo in ipso Monasterio ulterius non potendo, corporali prestito iuramento. Nos itaque attendentes, quod ea, que vi metusve causa fiunt, carere debent robore firmitatis, ac volentes super hiis memorato Abbati iuxta officii nostri debitum de oportuno remedio subvenire, fraternitati tue per Apostolica scripta mandamus, quatinus, si premissis veritas suffragatur, eundem Abbatem ab observacione huiusmodi iuramenti auctoritate nostra absolvens, denunties eum ad observationem ipsius aliquatenus non teneri, nullumque sibi debere per predictam renuntiationem sie violenter extortam preiudicium generari; deinde Comitem et Judices supradictos tandiu appellatione remota excommunicatos publice nunties, et ab aliis nuntiarl facias, ac ab omnibus artius evitari, donec super hiis, pro quibus excommunicationis sententiam latam a canone incurrerunt, satisfecerint competenter, et cum tuarum testimonio litterarum ad Sedem venerint Apostolicam absolvendi; dictumque Abbatem in corporalem possessionem prefate Abbacie, iurium et pertinentiarum eius reducas et defendas inductum, amoto ab eo quolibet illicito detentore; contradictores per censuram ecclesiasticam appellatione postposita compescendo, invocato ad hoc si necesse fuerit auxillo brachii secularis. Datum Rome apud Sanctam Mariam Maiorem, XVI. kalendas Januarii Pontificatus nostri anno quarto.

Kivül: J. Guidonis pro fratre Francisco familiari Magistri Johannis de Penna.

(Ljubics Simon, Monumenta spectantia historiam Slavorum Meridionalium. I. köt. 128. l.)