A B C D

Magister Symon Prepositus et Capitulum Ecclesie Beati Laurencij de Hoy omnibus Christi fidelibus presens scriptum inspecturis salutem in omnium saluatore. Ad vniuersorum noticiam tenore presencium volumus peruenire, quod Ladizlaus filius Farcasij filij Mordar, quondam Comes Falconariorum domini Regis de villa Turda, ad nostram accedens presenciam, quandam terram suam hereditariam Gyopul uocatam, sitam in Comitatu Budrugiensi, quam a parte orientali terre Voyosfeu, Teke uocate; a parte meridionali terre Kokot et Tywised; a parte occidentali Paka; a parte uero septemtrionali terra Ecclesie nostre Pypa vocata separant et distingunt, cum omnibus utilitatibus et pertinencijs suis, prout proaui et aui sui possederunt, presentibus Budy Curiali Comite, Stephano et Iwan Comitibus Judicibus Nobilium de Budrug, Hunta de Lekche, Waltero Villico de Vdwart, et Magistro Petro filo Loys, vna cum cognatis eius de Paka et uolentibus, uendidit Teprez Camano, Wochun, Aglazlo et Ladizlao filijs eius, ac eorum heredibus heredumque successoribus uiginti marcis plene receptis ab eisdem, perpetue et inreuocabiliter, possidendam. Assumpsit insuper idem Comes Ladizlaus, quod Tepremez et filios eius predictos ab omnibus racione dicte terre molestare seu inpetere uolentibus, expedire proprijs laboribus et expensis; prout se ad id spontanea obligauit voluntate. In cuius rey memoriam et perpetuam firmitatem ad peticionem parcium presentes concessimus litteras nostri sigilli munimine roboratas. Datum anno Domini MşCCş ocsuagesimo. Dyonisio Custode, Lazaro Cantore, Jacinto quondam Decano, Magistro Johanne, Blasio presbitero, et alijs fratibus in Ecclesia Dei famulantibus.

(Eredetie bőrhártyán, melyről a pecsét zöld-ibolyaszinű selyemzsinóron függ; a főmélt. herczeg Eszterházy család levéltárában.)