(S)tephanus miseraciona Diuina Abbas Monasterij Waradiensis, et totus eiusdem loci Cnnuentus vniuersis Christi fidelibus presentibus pariter et futuris presentes litteras inspecturis salutem in Domini sempiternam. Ad vniuersorum noticiam harum serie volumus peruenire, quod Semien quondam uillicus de Zekchu, cum Bok filio suo, et pro Petro altero filio suo ab una parte, et Golomb filius Syke de Minori Kemud ex altera, caram nobis constituti idem Semien et Bok confessi sunt viua uoce, quod quandam vineam erorum sitam in territorio ville nostre Nadaycha vocate, habente conterminales et vicinos eosdem Semianum et filios suos, ac Telas a parte meridionali; Andream de Gyok ab occedente; et Johannem ab aquilone, de bona voluntate Petri predicti vendidissent eidem Golomb pro tribus marcis denariorum in filios filiorum suorum iure perpetuo et irreuocabiliter possidendam; et eandem pecuniam confessi sunt se ab eodem Golomb plenarie recepisse. In cuius rei testimonium et perpetuam firmitatem presentes litteras concessimus sigillorum nostrorum munimine roboratas. Datum VI. kalendas Maij anno Domini MşCCş octogesimo- Petre Decano. Bonifacio Custode, et Andrea Clauigero existentibus.

(Eredetie bőrhártyán, két hártyazsinegen függött pecsét elveszett; a mélt. báró Révay család levéltárában.)