Nos Iuan Comes, filius Irizlai, Comes de Ocluch, significamus quibus expedit universis presencium per tenorem memorie commendantes, quod nos quandam terram nostram prope Zamobor sitam et existentem, Ecclesiam Sancte Elene circumdantem, metis subscriptis distinctam, dedimus et contulimus Ecclesie Sancte Marie Virginis Abbati seu fratribus Cisterciensis Ordinis in eadem Ecclesia Deo iugiter et devote famulantibvs pro salute anime nostre, ad honorem Dei et Virginis Gloriose, et per eosdem fratres suorum successoribus iure perpetuo pacifice possidendam et habendam, cum omnibus utilitatibus et pertinenciis ipsius terre universis, Ecclesie Beate Marie videlicet, que est sita in terra nostra Brezoicha nuncupata. Cuius quidem terre mete tali ordine distinguntur: Prima meta incipit a meridie in arbore gimulchin, circa quam est meta terrea, et tendit sub montem Strazniwerh per metas terreas, et pervenit ad arborem pruni circa quam est meta terrea; ab hinc iiens minime, cadit in unam viam, que procedit in montem Strazniwerh supradictum, per quam viam tendit et pervenit ad locum, ubi iuxta eandem viam est meta terrea circa arborem pomi circumfusa; hinc in eadem via minime procedendo pervenit ad arborem pomi, circa quam est meta terrea, et per eandem viam tendit versus septemtrionem; ab hinc proceden do circuit duas valles et pervenit ad indaginem; et iuxta eandem procedit usquequo pervenit ad Teluk, porte indaginis; inde vergit se ad levam manum versus septemtrionem et girat eundem Teluk per metas terreas ordine suo distinctas, et exit extra et descendit usque ad antiquam piscinam, que pertinet ad Ecclesiam Sancte Elene supradictam, et in fine dicte piscine intrat iterum in indaginem ad metam terream, et inde procedit iuxta indagines, et pervenit ad unum angulum indaginis et ibi est meta terrea, inde vero tendit versus meridiem per metas terreas et venit ad locum Mlak vocatum, ad arborem egur, et ibi est meta terrea; inde procedit per metas terreas et pervenit ad metam antedictam, et sic terminantur, In cuius rei memoriam et certitudinem et huiusmodi dacio seu nostra donacio rebur perpetue firmitatis obtineat, nec per quempiam processu temporis possit retractari, presentes concessimus litteras munimine sigilli nostri roboratas. Datum et actum Zagrabie anno Domini MCC. octuagesimo.

(Tkalcsics, Monum. hist. Episc. Zagrab. I. köt. 206. l.)