Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presens scriptum inspecturis salutem in omnium saluatore. Super specula gubernaculi eminentis ad hoc Deus Regiam euexit et extulit Maiestatem, vt in altis troni Regij sublimatus apicibus, perspicuis circumspeccionis oculis merita prospiciat singulorum, et congruis retribucionum donatiuis quorumlibet obsequia prosequatur, benemeritos extollat landibus, donacionibus efferat, commendacionibus magnificet gloriosis, vt ceteri eorum exemplis ad similia fidelitatis opera vehemencius inardescant. Proinde ad vniuersorum noticiam volumus peruenire, quod Magister Stephanus filius Eriney Bani ad nostram accedens presenciam humiliter supplicauit, vt quandam terram Olozyghaz vocatam, sitam in Comitatu de Borsod, vacuam et habitatoribus destitutam, et ad collacionem Regiam deuolutam, eo quod fuerit hominis sine herede decedentis, et destituta legitimo possessore, síbi ex munificencia Regia conferremus. Verum quia nobis veritas non constabat, vtrum eadem fuerit hominis sine herede decedentis, et nunc vacua ac legitimo carens possessore, et ad collacionem Regiam deuoluta; fidelibus nostris Capitulo Agriensi indagacionem veritatis rei huiusmodi nostris dedimus litteris in mandatis. Qui nobis rescripserunt in hec verba:

Excellentissimo domini suo Ladislao stb. következik az egri kaptalannak jelentése, mint alább 287. sz. a.)

Nos igitur vigilanti studio circumspeccionis Regie aduertere cupientes, vt tenemur, fidelitatis et obsequiorum merita per eundem Magistrum Stephanum nobis exhibita et inpensa, que ab annis pene puerilibus nobis dewij tenporis quodammodo equalitate se adiungens, zelo fidelitatis succensus continua et indefesssa diligencia studuit exhibere, in nostris beneplacitis se exercens; peticionibus eius beniuolencia Regia annuentes, licet ampliora et maiora mereatur, ad presens tamen in signum dileccionis et aliqualis retribucionis, predictam terram Olozyghaz, cum omnibus vtilitatibus et pertinencijs suis, ipsi Magistro Stephano, et per eum suis heredibus dedimus, donauimus et contulimus iure perpetuo et irreuocabiliter possidendam; litteras eciam seu instrumenta, per quemlibet quocunque tempore et quouis titulo impetrata auctoritate presencium reuocamus. Vt igitur huius nostre donacionis seu collacionis series robur optineat perpetue firmitatis; presentes concessimus litteras dipplicis sigilli nostri munimine roboratas. Datum per manus discreti viri Magistri Achonis, aule nostre ViceCancellarij dilecti et fidelis nostri anno Domini MşCCş octagesimo primo, Regni autem nostri anno nono, quinto idus Maij, indiccione nona.

(Eredetie bőrhártyán, melyről a király kettős pecsétjének töredéke vörös-ibolyaszínű-zöld selyemzsinóron függ; a budai királyi kamarai levéltárban.)