Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus presentes litteras inspecturis salutam in omnium saluatore. Ne liuoris iatus aut obliuionis caligo successiua Excellencie Regalis donaciones offuscare nubilo inmemorie uoleat, digne ea inscribuntur, que de Regibus conferuntur. Proinde ad vniuersorum noticiam tenore presencium volumus peruenire, quod Petrus Banus filius Comitis Benedicti dilectus et fidelis noster ad nostram accedendo presenciam nobis significare curauit, quod quedam possessio Ozyag uocata, que olym progenitorum suorum fuerat, ab ipsis non exigentibus culpis suis, sed potencialiter alienata, et jurisdiccioni Comitis de Barana dedita fuisset et subiecta; petens a nobis cum instancia, ut ipsam possessionem Ozyag ex munificencia Regia sibi reddere et restituere dignaremur. Nos itaque cuius - - - - - - unicuique in suo iure non deesse, et specialiter hys, quorum experta probitas insignit et extollit; consideratis seruicijs ipsius Petri Bani, que nobis in diuersis, et omnibus expedicionibus Regni nostri, videlicet intestinis et extrinsecis, Corone Regie incommutabiliter adherendo impendit, et specialiter in expugnacione castri Zumbothel, quod rupta pace treugarum et uinculo federis dissoluto per Regem Boemorum inimicum nostrum occupatum fuerat, ubi letalia sustulit uulnera fideliter exhibitorum (így); consideratis eciam hijs, que in compescendis Croatis et hominibus transdrauanis, qui se de jurisdiccione nostra uolebant alienare, ipsos potencie nostre reducendo et restituendo, exercuit et impendit. Tam igitur ob recompensacionem seruiciorum ipsius Petri Bani prescriptorum et aliorum quam pluri morum, que propter sui multitudinem longum esset enarrare; et eciam racione illa, ne in possessionibus olim per progenitores suos possessis, et postmodum Comiti Paulo bone memorie fratri suo per nos traditis, extraneum doleat possessorem: dictam possessionem Ozyag ipsi Petro Bano reddidimus, restituimus, dedimus, donauimus, et contulimus, iure perpetuo et inreuocabiliter possidendam, cassatis omnibus litteris et priuilegijs cuiquam super collacione dicte possessionis Ozyag preter ipsum Petrum Banum datis et concessis; et ubicunque, et per quemcunque exhibite fuerint, uiribus careant et inanes habeantur. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus discreti uiri Magistri Achonis Aule nostre ViceCancellarij dilecti et fidelis nostri anno Domini millesimo ducentesimo octuagesimo primo, octauo kalendis Maij, Regni autem nostri anno vndecimo. (?)

(Eredetie bőrhártyán, melyről a pecsét töredéke zöld-vörös selyemzsinóron függ; a főmélt. herczeg Batthyáni család levéltárában.)