Nos Iwan Comes de Oclich, filius Irizlai significamus omnibus quibus expedit presentium per tenorem, quod nos medietatem tributi nostri in Zamobor, tam de porta, quam de foro, contulimus seu donavimus in remedium anime nostre et progenitorum nostrorum Abbati et fratribus de Insula Sancti Jacobi, Cisterciensis Ordinis et per eosdem fratres suorum successoribus iure perpetuo pacifice possidendam et habendam; ita, quod Ecclesia Sancte Elene prope Zamobor per hoc melioretur, et fratres ibidem existentes sui victus inde 342capiant fulcimentum. In cuius rei memoriam et certitudinem, ut nostra donacio firma sit et stabilis, predicto Abbati et fratribus, dedimus hanc cartulam sigilli nostri munimine roboratam. Datum in Selin anno Incarnacionis Dominice MCCLXXX primo.

(Tkalcsics, Monum. hist. Episc. Zagrabiensis I. köt. 209. l.)