Nos Ladizlaus Prepositus et Conuentus Fratrum Ordinis Premonstratensium de Saag significamus vniuersis tam presentibus quam futuris presentes litteras inspecturis salutem in Domino. Vniuersorum noticie harum serie declararamus, quod Tyburcius de Morchol de genere Zah, et Stephanus filius eiusdem personaliter coram nobis constituti professi sunt uiua uoce, quod quandam particulam terre Zahtelequi vocate ad vnum aratrum cum superfluitate, que est intra metas inclusa nouas et antiquas, dederint, donauerint et tradiderint Symoni de Harasty genero ipsorum, ac Gung sue filie, et suis heredibus heredumque successoribus perpetue et inreuocabiliter possidendam. Quam quidem dictam particulam terre cum sua superfluitate Hallomas de Surany homo domini Regis sub testimonio nostro per circuitum undique presentibus commetaneis et uicinis certis metis nouis iuxta ueteres erigendo, prout ijdem homo domini Regis et noster retulerunt nobis, accedentes. Cuius terre metarum cursus talis est: Prima meta incipit ab oriente sub kerku a parte ville Sou; inde uenit usque ad planiciem, ibi est meta; deinde uenit vsque duas metas; hinc uenit usque duas metas; hinc uenit usque duas metas in eadem planicie; abhinc reflectitur uersus meridiem, ibi est una meta; inde tendit uersus uillam Symonis, iuxta pratum sunt due mete; inde uenit ante villam ipsius Symonis, ibi sunt mete; et inde ascendit ad latus cuiusdam montis, ibi sunt mete sub guerku (így); inde ascendit ad cacumen ipsius montis, qui dicitur Homocheg, ibi sunt due mete; inde uadit per eundem usque unam metam; et inde ascendit usque berc, ibi sunt mete; inde uadit usque unam metam; et inde ad magnum guerkum, sub quo sunt due mete; hinc uadit usque ad unam metam; et inde uadit usque unum guerkum, in quo est crux, et sub ipso mete; et inde descendit ad siluam Vyzesberec nuncupatam, ultra quam est meta sub arborem tylie; inde ascendit usque berc, ibi sunt mete; inde reflectitur usque occidentem sub guerku antiqua meta, que separat a Dyonisio filio Felciani; inde uenit ad uallem, ibi est meta; et inde uenit usque quatuor metas angulares, que separant a villa Zud; inde ascendit ad latus montis, qui dicitur Mezesmal, iuxta magnam uiam est meta; inde per eandem ascendit uersus septemtrionem, sub arbore cherfa est meta; inde uenit usque unam custodiam, que dicitur eresteen, super quam est meta; et inde uenit usque per decursus metarum antiquarum, sicque terminatur. Vt igitur hec donacio rata et immobililis perseueret, litteras nostras concessimus sigilli nostri munimine roboratas. Datum anno Domini MşCCşLXXXIş.

(Eredetrie bőrhártyán, melynek függő pecsétje elveszett; a főmélt. herczeg Eszterházy család levéltárában.)