In Christi nomine amen. Anno Natiuitatis eiusdem millesimo ducentesimo octuagesimo primo, die lune XV. intrante mensis Decembris none indiccionis. Temporibus Egregij viri domini Johannis Dandoli Dei gracia incliti Ducis Veneciarum, venerabilis patris domini Simonis Dei gracia Farensis Episcopi; et nobilium virorum dominorum Marci Dulfini Farae et Brachiae Potestatis, ac Henrici Zantani eius Consiliarij; nec non Johannis et Guidosij Farensium Judicum. Justicie racio postulat et requirit, ut laudabile desiderium votiuus prosequatur effectus, et quod bona voluntate suscipitur, dignis ordinacionibus compleatur. Ideoque ad summam memoriam et rei geste firmitatem, hoc presens conficitur instrumentum; qualiter consensu et voluntate tocius Communitatis Farensis Dracdosta filia quondam Draiecte voluntarie obtulit se seruire cum omnibus suis mobilibus et immobilibus toto tempore vite sue, videlicet cum quadam peccia terre, que est in loco, qui dicitur Piscopate, Monasterio Sancti Nicolai de Lissa. Quam pecciam terre idem Monasterium a presenti die in antea habeat, teneat, possideat in perpetuum; in ea et ex ea quidcunque sibi placuerit faciat etc.

(Farlati Illyricum Sacrum IV. köt. 248. l.)