In Dei nomine amen. Anno eiusdem MşCCş octuagesimo secundo, indiccione X., tempore domini Martini Pape et Ladislai Serenissimi Regis Ungarie, die dominico ultimo Madij. Cum Ecclesia Sancti Laurencij Episcopatus Traguriensis proprio pastore vacaret, ideoque ad honorem et reuerenciam Altissimi Dei, Gloriose Virginis Marie, Beatorum Sancti Laurencij et Sancti Johannis congregatis et vocatis ... Canonicis - - - - - vocandi et congregandi ad eleccionem celebrandam de pastore et Episcopo Ecclesie Sancti Laurencij nominate; videlicet omnes infrascripti Canonici congregauerunt se in prefata ecclesia causa eligendi Episcopum et pastorem Episcopatus et Ecclesie nominate; qui deliberauerunt concorditer, eleccionem huiusmodi per scrutinium fieri debere. Quorum Canonicorum nomina sunt hec: Geruasius filius Zanci - - - Archidiaconus eiusdem Episcopatus, dominus Casioctus filius domini Zaniche Primicerius Canonicus Diaconus, dominus Marcus Canonicus Sacerdos filius Bod, et dominus Michael Canonicus Presbyter filius Stoise, dominus Dessa Sacerdos filius Nadini, dominus Natalis Sacerdos filius Musinne, dominus Firminus Diaconus filius Vitalis, Laurencius Subdiaconus filius Miche, Michael Subdiaconus filius Cerni, Kasaricius Subdiaconus filius Yarine. Omnes supradicti Canonici his peractis elegerunt vnanimiter et concorditer, vniuersi de ipsorum concordia communi et voluntate ad perscrutandum vota singulorum seorsum, in quem volunt et consentiunt, quod sit et esse debeat Episcopus et pastor Episcopatus supradicti, dominum Gervasuim Archidiaconum, dominum Casioctum Primicerium, dominum Marcum; qui tres disquisitores vocauerunt ad se quemlibet infrascriptorum, seorsum et singillatim, vt suam eis voluntatem exprimeret. Vnde accedens dominus Michael Canonicus dicte Ecclesie eligendo et postulando assensit in fratrem Gregorium filium Marchii de Tragurio de Ordine Minorum; dominus Dessa eligendo et postulando consensit in eundem fratrem Gregorium; dominus Natalis eligendo et postulando consensit in eundem fratrem Gregorium; dominus Forminus eligendo et postulando consensit in eundem; Laurencius eligendo et postulando consensit in eundem; Bogdanus eligendo et postulando consensit in eundem; Michael eligendo et postulando consensit in eudem; Casaricius eligendo et postulando consensit in eundem; dominus Marcus eligendo et postulando consensit in eundem; dominus Casioctus Primicerius eligendo et postulando consensit in eundem; dominus Gernasius eligendo et postulando consensit in eundem. Presentatis eorum voluntatibus, vt supra scriptum est, statim fuit dicta eleccio et postulacio et assensus publicata et diuulgata inter eos. Vnde diligenti deliberacione habita, quum ipse frater Gregorius est nobilis homo de dicta Ciuitate, et in legitima etate constitutus; prefatus dominus Geruasius suo nomine, et nomine et voluntate omnium predictorum Canonicorum et Capituli, et ipsis presentibus, inuocato Christi nomine, mox elegerunt, postularunt et postulando elegerunt honestum et sapientem virum, dominum supradictum fratrem Gregorium in pastorem et Episcopum Episcopatus superius sepefati. Actum in ecclesia supradicta Sancti Laurencij Episcopatus Traguriensis; presentibus domino Jacobo Rustichu Potestate Traguriense, domino Beneuento eius Milite; domino Dessa, et Cernocta Amblasij, Siluestro Mingacij. Chreste Alberte, Toma domini Zaniche, Guymo Dumiche, et alijs multis testibus; et domino Dessa Duymi de Mursiza examinatrre.

(Farlati, Illyricum Sacrum IV. köt. 359. l.)