(C)apitulum Wesprimiensis Ecclesie omnibus Christi fidelibus tam presentibus quam futuris presentem paginam inspecturis salutem in salutis largitore. Quum gesta temporum simul cum temporibus elabentibus elabuntur, gestisque mortalium memoria obumbrata obliuione plerumque nouercatur; prouida racio adinuenit scriptis perempniter permansuris facta stabilire, que diuturnitatem expetunt, et inmutabilem sui firmitatem postulant et requirunt. Proinde nouerint vniuersi presentes pariter et futuri, quod vir religiosus Blasius Diuina prouidencia Abbas Monasterij Virginis Gloriose de Almad in nostri presencia proposuit personaliter constitutus, quod cum per uaria atque multa Regni dispendia guerrarum plurimarum impellentibus periculis et urgentibus ad extreme exinanicionis exitum suum foret Monasterium deuolutum, in quo non releuari pauperes, nes sustentari monachi graui possent pre inopia et nimia paupertate, Deoque psallencium fere organa quiescerent et cessarent, et nec aliter ex debito suscepti officij posset adhibere remedium deprimenti taliter miserie, et Monasterium destituenti officijs a Diuinis alimenti, indumenti, ceterarumque necessitatum debitarum Deo famulancium in eodem ob penuriam inpulsiuam, quandam terram sui Monasterij in territorio ville Pezey sub metus inclusam infrascriptis, ex donacione et collacione salutifera predecessorum Floriani filij Galli, et Comitis Andree de eadem villa Pezey, ad ipsum Monasterium deuolutam, de qua, sicut dixit, nichil hactenus, aut modicum emolumentum Monasterium est consecutum, habito cum suis fratribus, toto scilicet Conuentu sui Monasterij, simulque cum Patronis, Comite videlicet Chaba et Band filijs Band, et Ladizlao filio Petri, iobagionibusque vniuersis semel, secundo et tercio tractatu diligenti, volentibus omnibus, et utile ad fructuosum fore Monasterio asserentibus concorditerque annuentibus, dictorum eciam donancium ipsam terram successoribus, dicto videlicet Floriano et fratribus suis, Magistro Petro socio et concanonico nostro, et fratribus eiusdem, Paulo videlicet et Stephano, nepotibus Andree Comitis prenotati, consencientibus ac volentibs, quemadmodum ijdem in nostri constituti presencia se prebuisse consensum firmiter astruxerunt, petita eciam et obtenta a venerabili in Christo patre domino Petro Eipscopo nostro licencia, sicut in eiusdem litteris nobis exhibitis uidimus contineri, cum omnibus predicte terre utilitatibus, pertinencijs seu appendicijs, cum quibus ipsam terram suum Monasterium inconcusse multis temporibus retroactis noscitur possedisse, ipse Abbas, totusque eiusdem Conuentus Magistro Nicolao socio nostro et concanonico, et Michaeli fratri eiusdem, eorundemque posteritatibus et posteritatum successoribus pro sex marcis fini argenti iure perpetuo uendidissent, dictamque pecunie quantitatem idem Abbas a Magistro Nicolao et Michaele fratre suo prenotatis confessus extitit se dictumque Monasterij Conuentum plenarie recepisse, et in alimenta monachorum, subsidium pauperum, ac ruentis monasterij fabrice restauracionem prouide conuertisse, se suosque successores et totum sui Monasterij Conuentum obligando firmiter, Magistrum Nicolaum et Michaelem fratrem eiusdem omnemque ipsorum propaginem iure hereditario eisdem succedentem in sepedicte terre possessione pacifica consernare, et ab omnibus super illa processu temporum mouere conantibus questionem, expedire proprijs laboribus et expensis, cunctis renunciantes accionibus, nichilque iuris sibi et suo Monasterio in terra supradicta sibi reseruantes sibi suisque successoribus pariter et Patronis; de quorum, et premisimus, Patronorum presens terre alienacio dicitur processisse consensu et vnanimi voluntate, sicut Comes Chaba filuis Band pro se, et pro Band fratre suo, ac Comite Ladizlauo filio Petri, ceterisque suis cognatis, prememorato Abbati coram nobis personaliter astando siue assistendo prebuisse se consensum huic facto asseruit vinia uoce, sub pena quindecim marcarum ante litis ingressum persoluendarum, imponentes silencium, et omnem penitus excludentes super terra eadem materiam questionis. Mete autem eiusdem terre distinguntur et taliter diriguntur: Incipit namque, sicut partes retulerunt, in fine terre prememorati Floriani Hwzyv uocate in angulo duarum viarum, quarum vna totam ipsam terram a parte occidentis separat a terra dicti Floryani, que uadit per medium terre Zobodozov; alia vero, per quam itur de Pezey in Zobody, vbi est vna meta terrestris; quam quidem viam parum pertransit uersus oriendem ad quandam metam terrestrem, que separat a terra populorum de Zobody, quam ijdem a dicto Monasterio tempore Nicolay Abbatis suo dicuntur recepisse iuramanto; de qua declinat uersus septemtrionem ad quandam magnam uiam Saschvt uocatam, iuxta quam est meta terrestris a meridionali parte uie eiusdem, et per eandem itur uersus orientem ad illius terre terminum quam populi de Zobody a Comite Onchuk iusto titulo empcionis compaparunt; inde directe eundo uersus septemtrionem per magnum spacium uenitur ad quandam arborem piri zomulche nuncupate; de qua uersus eandem plagam angulariter transit ad quendam puteum existentem in latere eiusdam terre Folukuzfeld uocate incluse intra metas; deinde protenditur ad quandam magnam arborem sorbelli, iuxta quam est alia magna arbor piriri, a quibus uersus eandem plagam attingit quandam magnam uiam, per quam itur de Zobody in uillam Fayz; et eundo per eandem uersus orientem in longitutine unius iugeris uenit ad quoddam uirgultum Bogosfev appellatum, ubi per quandam uiam erbosam reclinat in latere eiusdem uirgulti ad plagam septemtrionalem iterato: deinde per eandem plagam protenditur ad quemdam dumum in terra culta existentem; vnde uenit ad quandam uiam, per quam itur de Zobody in Zobaozov; quam transit ad quandam ardorem piri; vnde protenditur uersus eandem plagam septemtrionis iuxta quoddam uirgultum inclusum intra terminos per longitudinem uorum iugerum terre; ubi in fine eiusdem uirgulti directe uadit ad quandam magnam uiam, in qua dumus ylicis existit; de qua attingitur ad prenominatum uiam per medium Zobaozov transeuntem, et ipsam terram separantem, usque principalem ipsius terre metam nullo interuallo. Vt igitur huius rei series robur optineat perpetue firmitatis, nec ualeat in posterum per quempiam refragari presens vendicionis et emcionis contarctus; propter peticionem dicti Abbatis in testimonium rei geste Magistro Nicolao, et Michaeli fratri eius prenotatis presentes concessimus litteras sigilli nostri munimine roboratas. Datum per manus Magistri Hermani Lectoris Ecclesie nostre anno Domini MşCCş octuagesimo secundo. Reuerendo in Christo patre et domino Petro Episcopo nostro, Paulo Preposito, Paulo Cantore, Larencio Custode existentibus.

(Eredetie bőrhártyán, a függő pecsét elveszett; a főmélt. herczeg Batthyáni család levéltárában.)