Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus, quam futuris presens scriptum inspecturis salutem in omnium saluatore. Ad vniuersorum igitur noticiam harum serie volumus peruenire, quod cum nobiles viri Magistri Rorandus et Deseu filii Leustachii, Dominicus et Ladizlaus filii St(ephani), Reynoldus et Nicolaus filii Olyuerii de genere Ratoldy, Magistrum Mathiam filium Rorandi Bani de eadem generacione Ratold super facto dissipacionis et alienacionis possessionum suarum ad nostram Regiam specialem presenciam in causam attraxissent, et ipsa causa diucius coram nobis extitisset ventilata; tandem vt omnis liuor discordie et rancor inuidie de medio ipsorum extirpetur, et puleritudo pacis glorietur et se fraterne dileccionis affectu amplecti possint et valeant, optenta a nostra Regia Maiestate licencia partes in nostri presencia personaliter comparentes taliter se dixerunt concordasse: quod vniuersas possessiones ipsorum hereditarias, empticias, acquisitas et quouis titulo ad ipsos deuolutas perpetuo inter ipsos diuisissent eo modo: Quod possessio Kaza vocata in Comitatu de Borsod cum omnibus possessionibus ad eam pertinentibus; item possessiones Puthnuk et Feled vocate in Comitatu Gumuriensi existentes similiter cum omnibus possessionibus ad easdem pertinentibus; ceterum possessiones Pathaa, Scengurg vocate in Comitatu Symigiensi iacentes, similiter cum omnibus possessionibus ad easdem pertinentibus, et earum vtilitatibus; item possessiones Wylak, Kuesd et Olahteluk vocate in Comitatu Byhoriense existentes cum omnibus ad easdem pertinentibus possessionibus; item possessiones Chycho et Retheeg vocate in partibus Transsiluanie similiter cum omnibus ad easdem pertinentibus possessionibus; item possessio Selpe vocata in Comitatu Posoniensi existens similiter cum omnibus ad eandem pertinentibus possessionibus; item possessio Ratold vocata in Comitatu Pestiensi adiacens, in qua ecclesia est fundata, cum vniuersis vtilitatibus earundem, cessissent predictis Magistris Rorando et Deseu filijs Leustachij, Dominico et Ladizlao filijs Stephani, Reynoldo et Nicolao filijs Olyuerij, et per eos ipsorum heredibus heredumque successoribus iure perpetuo et inreuocabilites optinende, tenende et habende, ymo perempniter possidende. Deinde et e conuerso possessio Laapa vocata in Comitati Symigiensi situata cum omnibus ad eam pertinentibus possessionibus earumque vtilitatibus vniuersis; item vniuerse possessiones in Comitatu de Posoga existentes cum omnibus suis vtilitatibus et pertinencijs vniuersis; item Castrum Hungarice Nogkemluk vocatum, inter fluuios Draua et Zaua vocatos in Sclauonie existens, simul cum omnibus predijs et possessionibus ad ipsum Castrum pertinentibus ac earum vtilitatibus vniuersis; item possessio Nog Ratold vocata in Comitatu Besprimiensi situata, excepta porcione Magistri Baldun, similiter cum omnibus possessionibus ad eam pertinentibus earumque vtilitatibus vniuersis; item possessio Halaz vocata in Comitatu de Zaboch existens, modo simili cum omnibus ad eam pertinentibus possessionibus, suarumque vtilitatibus vniuersis; item possessio Kuezd vocata in Comitatu de Zemlen adiacens cum omnibus possessionibus ad eam pertinentibus, earumque vtilitatibus vniuersis cessit in ius et proprietatem eiusdem Magistri Mathie, et per ipsum suorum heredum heredumque suorum successorum tenende, possidende perempniter et habende. Obligantes se partes premissa sua spontanea voluntate, quod si quispiam ipsorum temporis in processu possessiones ab ipsis alienatas uel aliquam earum reacquirere, reinuenire uel rehabere poterit quoquo modo, extunc eas inter se diuidere equaliter tenebuntur et partiri. Hoc non pretermittentes, quod si quis ipsorum uel eorum heredum aliquid is posterum de diuisione nel ordinacione premissa uellet seu intenderet in irritum retractare, eo facto calumpnie pena mereretur et deberet publice irretiri. In cuius rei memoriam perpetuamque firmitatem presentes ad peticionem parcium concessimus litteras nostras priuilegiales duplicis sigilli nostri munimine roboratas. Datum per manus discreti viri Magistri Bartholomei aule nostre Vicecancellarii dilecti et fidelis nostri anno Domini MşCCşLXXXş tercio, Regni autem nostri anno vndecimo.

(Eredetie bőrhártyán, a királynak sárga-vörös selyemzsinóron függő pecsétjével, a leleszi konvent levéltárban. - Hiányosan és sok hibával kiadva Fejérnél Cod. Dipl. V. köt. 3. r. 174. l. és VII. köt. 2. r. 99. lap.)