Nos Ladizlaus Dei gracia Rex Hungarie memorie commendantes significamus vniuersis quibus expedit presencium per tenorem, quod Iwan et Kuthmek Cristiani Cumani, fratres seu cognati Ityk Cumani ad nos accedendo dixerunt, quod essent depauperati ultra modum, propter quod terram ipsorum, que ipsos contingeret in Bohosnicha existentem, excepta porcione Ityk fratris eorundem, vendicioni exponere oporteret; supplicantes nobis et petentes magna cum instancia, ut eisdem liberum arbitrium ad uendendam ipsam terram preberemus. Nos itaque ipsorum suplicacionibus inclinati concessimus, ut eandem uendere ualeant cuicunque uoluerint; excepta ipsius Ytyk Cumani porcione. Datum Bude in crastino Remisscere anno Domini MşCCş octuagesimo tercio.

(Eredetie bőrhártyán, a hátul oda nyomott pecsét elveszett; mélt. Szalay Ágoston úr kézirati gyűjteményében.)