Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad uniuersorum noticiam tenore presencium volumus peruenire; quod Nicolao, Thoma et Symone filijs Symonis filij Tobye de Zeres pro se et pro Desew ac Ladizlao filijs suis ex una, parte ab altera vero Magistro Laurencio filio Comitis Vrbanus de Katha, pro se et pro Magistro Detrico filio Dethmar de genere Opuz generia dictorum filiorum Symonis coram nobis personaliter constitutis, prefati filij Symonis proposuerunt viuauoce, quod dimidictatem cuiusdam terre eorum empticie Telekus vocate in Comitatu de Borsod existentis a parte terre Sano nominate iacentem cum vniuersis vtilitatibus et pertinencijs suis dedissent et contulissent dominabus sororibus suis, vxoribus predictorum Magistri Laurencij et Detrici ac ipsorum heredibus heredumque suorum successoribus jure perpetuo pacifice possidendam et habendam. Insuper obligauerunt se dicti filij Symonis et heredes suos, predictas dominas etheredes earundem ab omnibus racione dicte dimidietatis terre inpetere nitentibus defendere et expedire proprijs laboribuset expensis, et in pacifica possessione ipsius dimidietatis terre indempniter conseruare. In cuius rei testimonium ad instanciam dictorum filiorum Symonis presentes contulimus sigilli nostri munimine roboratas. Presentibus tamen Magistro Saulo Lectore, Mykov Castode, Marko de Pacha, Martino de Heues, Nicolao de Sumbun, Symone de Vngh, Steplano de Zemlyn Archidiaconis et alijs multis anno Domini MşCCş octuagesimo tercio. Regnante Ladizlao Illustri Rege Hungarie, Lodomerio Strigoniensi, Johanne Colocensi Archiepiscopis, domino nostro venerabili patre Andrea Dei gracia Episcopo Agriensi existentibus.

(Szepesi Jakab országbírónak 1373-ki oktávás átiratából; a budai kir. kamarai levéltárban.)