Nos Magister Jula et Petrus filij Nicolai Comitis omnibus Christi fidelibus presens scriptum inspecturis salutem in Domino. Ne gestarum rerum memoria processu temporum euanescat et pereat, discretorum prudencia solet eas per litteras eternari. Proinde ad vniuersorum noticiam harum serie litterarum volumus peruenire: quod religiosi viri frater Karatinus Prior Ecclesie nostre Omnium Sanctorm de Broych, et frater Johannes Ordinis Fratrum de Ordine Sancti Augustini ad nostram personaliter accedentes presenciam, exhibuerunt nobis patentes litteras karissimi patris nostri Comitis Nicolai bone memorie confectas super donacione ipsius Comitis Nicolai in ternis et in alijs vtilitatibus facta Ecclesie memorate; petentes a nobis cum instancia, vt easdem litteras nostris dignaremur litteris patentibus perpetuare. Quarum tenor talis est:

Nos Comes Nicholaus, filius Jule stb. (következik Miklós comesnek adománylevele, mint fentebb 293. sz. a.)

Nos ergo peticionem religiosorum virorum predictorum iustam et legitimam fore cognoscentes in hac parte, predictas patentes litteras patris nostri Nicolai Comitis de uerbo ad uerbum presentibus insertas sigilli nostri munimine duximus roborandas. Datum anno Domini millesimo CCş octuagesimo tercio.

(Garai Jánosnak 1410-ki megerősítő okmányából, a mélt. gróf Zay család levéltárában.)