Ladizlaus Dei gracia Vngarie, Dalmacie, Chroacie Rame, Seruie, Gallicie, Lodomerie, Comanie, Bulgarieque Rex omnibus Christi fidelibus tam presentibus quam futuris presentem paginam inspecturis salutem in omnium salvatore. Ad universorum noticiam terore presencium volumus pervenire, qund venerabilis pater Thymotheus, Dei gracia Episcopus Zagrabiensis, dilectus et fidelis noster, ad nostram accedens presenciam Nostre Maiestati quoddam nostrum exhibuit privilegium super donacione Comitatus de Guersente per nos facta, et peciit ipsam donacionem seu collacionem innovari, ac ipsum privilegium de verbo ad verbum presentibus inseri et per Nostram Celsitudinem confirmari. Cuius quidem privilegii tenor talis est:

Ladizlaus Dei gracia Hungarie stb. Rex stb. (következik IV. László királynak 1277-ki adománylevele, mint fentebb 159. sz. a.)

Nos itaque Regalis circumspecte officii, solempni ac diligenti tractatu cum nostris Baronibus prehabito, ac maturitate debita observata, iam ex Divine propiciacionis gracia ad legittimos seu discrecionis annos feliciter pervenientes, prefati venerabilis patris domini Thymothei Episcopi, dilecti et fidelis nostri, iustis peticionibus inclinati, considerantes prescriptam donacionem fore licitam. iustam, salutiferam et honestam, premissum privilegium presentibus de verbo ad verbum insertum, et collacionem seu donacionem, immunitates, exempciones et libertates in eodem contentas universas et singulas innovamus, approbamus, laudamus et auctoritate Regia irrevocabiliter ac stabilitate perpetua confirmamus; ymo iam, ut pretactum est, in annis legittimis constituti, ut cuiuslibet dubietatis seu mutabilitatis de medio scrupulus auferatur, omnes donaciones, collaciones, quibuscumque temporibus Baronibus seu Regni nostri nobilibus quibuscumque per importunitatem petencium per nos factas, et literas, privilegia vel munimenta quocunque ingenio vel tempore impetratas vel concessas, revocamus, irritamus, annillamus et pronunciamus nullius fore efficacie vel momenti, et eisdem uti volentes tamquam falsarios et callumpnie vicio notatos decernimus condempnandos, et ipsum Comitatum cum exempcionibus, libertatibus et immunitatibus, redditibus et condicionibus suprascriptis, ut ex nunc et de novo in perpetuam elemosinam conferimus, concedimus et donamus predicto venerabili patri Thymoteo Episcopo Zagrabiensi propter fidelitatem et ipsius grata obsequia nobis exhibita indefesse ac sue merita probitatis, et per eum suis successoribus ac Episcopatui Zagrabiensi iure perhenni habendum, tenendum et inrefragabiliter possidendum. In cuius rei memoriam perpetuamque firmitatem atque robur presentes ad instanciam et iustam peticionem superius memorati domini Thymotei Episcopi concessimus literas duplicis sigilli nostri appensione seu munimine roboratas. Datum per manus venerabilis patris Thome Dei gracia Episcopi Waciensis, Aule nostre Cancellarii, dilecti et fidelis nostri, anno Domini MCC. octuagesimo quarto, VII. idus Junii, Regni nostri anno duodecimo.

(Tkalcsics, Monumenta hist. Episcopatus Zagrabiensis I. köt. 215. lap.)