Johannes Prepositus et Conuentus Sancti St(ephani) de Promontorio Waradiensi omnibus Christi fidelibus tam presentibus quam futuris presencium noticiam habituris salutem in omnium salutis largitore. Ad vniuersorum noticiam harum serie litterarum uolumus peruenire: quod Rolando Woyuoda Transiluano et Comite de Zonuk, Magistro Stephano Pincernarum domini Regis, et Magistro Jacobo de Copoz Agazonum eiusdem domini Regis, pro se et pro Comite Thoma patre ipsorum, ac Ladizlao, Beke, et Johanne fratribus eorum ab una parte; Magistro Dees, et Dyonisio fratre suo ab altera, coram nobis constitutis, dictum extitit per eosdem: quod quandam villam ipsorum Vrusi uocatam, ex collacione Regia ipsis filijs Comitis Thome ob merita fidelitatis et seruiciorum suorum impensorum indefesse, datam et donatam, pari voluntate et diligenti super hoc habito consensu, eisdem Dees et Dyonisio ob dileccionis et seruicij ac nimie fidelitatis eorundem intuitum dedissent, donassent, seu contulissent iure perpetuo et irreuocabiliter pacifice possidendam in filios filiorum; obligantes se in premissis et singulis premissorum, nichil in perpetuum contra Dees et Dyonisium predictos attemptare. Assumpmendo, vt quicunque longinquo lapsu temporis occasione dicte ville eosdem Dees et Dyonisium molestare seu aggrauare niteretur, ijdem Rorandus Woyuoda, Magister St. et Jacobus, ac fratres ipsorum prenotati proprijs laboribus et expensis tenentur expedire. Ob cuius rey memoriam et perpetuam firmitatem presentes munimine sigilli nostri Conuentus duximus roborandas. Datum in octauis Assumpcionis Beate Marie Virginis anno Domini MşCCş octuagesimo quarto.

(Eredetie bőrhártyán, melynek pecsétje sárga-vörös selyemzsinóron függ; a főmélt. herczeg Eszterházy család levéltárában.)