Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Vt donaciones Principum perpetua firmitate solidentur, litterarum solent testimonijs communiri; inconcussum quippe permanet, quod Regio fuerit patrocinio communitum. Proinde ad vniversorum noticiam tenore presencium uolumus peruenire, quod nos, cui ex officio suscepti regiminis incumbit metiri merita singulorum, et dignis pro meritis respondere, commendabilem fidelitatem et meritoria obsequia Magistri Phile filij Comitis Thome, que idem in omnibus expedicionibus Regni nostri, et specialiter in exercitu nostro generali, quem contra Regem Boemie inimicum nostrum capitalem habebamus, vbi eodem Rege Boemie interempto Diuina gracia annuente felicem sumus uictoriam consecuti, intuentibus nobis se fortune casibus pro fidelitate Corone Regie inpendenda fideliter exhibuit et inpendit; quasdam terras Castri uostri de Wolko Warasy et Sumug vocatas, cum omnibus utilitatibus et pertinencijs suis vniuersis, secundum quod idem Castrum habuit, tenuit et possedit, eidem Magistro Phile, et per eum suis heredibus heredumque suorum successoribus dedimus, donauimus, contulimus atque tradidimus iure perpetuo pacifice et quiete possidendas. In cuius rei memoriam perpetuamque firmitatem presentes concessimus litteras sigilli nostri munimine roboratas. Datum per manus discreti viri Magistri Thetidori Prepositi Scibiniensis aule nostre ViceCancellarij dilecti et fidelis nostri anno Domini MşCCşLXXXş sexto, Regni autem nostri anno quintodecimo, primo die kalendarum Februarij.

(Eredetie bőrhártyán, melyről a vörös-zöld selyemzsinóron függött pecsét elveszett; a budai kir. kamarai levéltárban.)