Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire: Quod Magistro Henrico filio Herthueg Woywode ab vna parte, Magistro Blasio et Johanne filijs Comitis Nicolai de Fony ex altera coram nobis personaliter constitutis; idem Herricus quandam possessionem suam Nadasd et alio noraine Zaka vocatam in Comitatu Noui Castri existentem, ex collacione seu donacione domini Ladizlai quondam Regis Hungarie felicis recordacionis mediante priuilegio eiusdem Regis habitam, eisdem Blasio et Johanni Magistris pro septuaginta marcis - - - solutis ab eisdem et receptis, cum vniuersis vtilitatibus eiusdem, et cum eodem priuilegio seu instrumento quo - - - Herthueg Woywoda pater ipsius ac ipse vsque modo pacifice possederunt, nec non sub eisdem metis et limitibus, quibus eadem ab antiquo limitata fuerat et extiterat, dedisse, vendidisse et tradidisse est confessus, iure perhennali et irreuocabiliter in filios filiorum et heredes ipsorum vniuersos quiete et pacifice possidendam, tenendam et habendam. Et Anthonius filius Gothardi; Johannes, Nicolaus, Paulus et Dominicus filij Andree, commetanei et viciui eiusdem possessionis, personaliter astando huic - - oni et empcioni plenum consensum prebuerunt et assensum. Insuper idem Herricus obligauit se et suos heredes ab stb. (A többi le van szakitva, s mint látszik a szavazatosságot tárgyazta.)

(Eredetie bőrhártyán, a budai kir. kamarai levéltárban. V. ö. Fejér Cod. Dipl. V. k. 3. r. 148. l.)