Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus tam presentibus quam futuris presentem litteram inspecturis salutem in Domino sempiternam. Quod Regia auctoritate sancitur, perpetuo innititur fundamento firmitatis. Proinde vniuersorum presencium futurorumque noticie harum serie declaramus, quod Dionisius filius Jurk in Nostre Maiestatis presencia constitutus humili supplicacione postulauit, quod terram suam, quam habet in Radona, optentam a Doboz et Adam cognatis suis, cum terra piscatorum nostrorum de eadem mixtim existentem, misso homine nostro, erectis metis faceremus separari, et quasdem particulas de terra piscatorum nostrorum eidem conferre dignaremur. Nos igitur attendentes fidelitates et seruicia meritoria eiusdem, que nobis in diuersis expedicionibus Regni nostri impendit laudabiliter et deuote; et specialiter in expedicione quam babuimus contra Regem Boemorum, vostrum et Regni nostri anticum inimicum, vbi idem Dionisius pro fidelitate nobis debita letalia wlnera supportauit; et eciam in conflictu, quem contra perfidiam Cumanorum in loco Hod vocato, oportuit nos babere, suas fidelitates sanguine proprio demonstrauit peticiones eiusdem pociora promerentis admittendas in premissis duximus cum effectu. Mittendo Magistrum Alexium Aule nostre fidelem Notarium ad ea fideliter exequenda; qui ipsas terras separauit, adiectis quibusdam particulis de predicta villa piscatorum tali modo: quod sub quodam monte Urpin iuxta Goron et riuulum Bobocha est quoddam fenetum, quod eidem reliquimus a terra ipsorum piscatorum eximendo; deinde transiendo fluuium Goron ad partem occidentalem versus ecclesiam Virginis Gloriose in fine ville Rodona est quidam puteus pro meta positus; inde ascendit per medium ville predicte in quadam via ad eandem plagam, vbi est quedam arbor pomi siluestris pro meta posita; deinde transiens quoddam virgultum venit ad fluuium Mylho; et inde venit versus domum Chegned per eundem riuum; deinde venit ad viam que ducit ad Turuch, et per ipsam cadit ad riuum Odurna; et ascendendo parum saliens de ipso riuo ad partem dextram venit ad commetaneitatem Chegned, vbi est meta terrea; inde per pontem paruum vadit versus Iuanzeke ad partes silue; dehinc supra domum heremitarum cadit ad riuum Seunce; et inde venit ad viam qua itur ad Turuch; rediensque per ipsam viam cadit ad predictum riuum Odurna, qui ducit versus montem Urpin, et cadit in Goron, ibique terminatur. In cuius rei memoriam, seu donacionis firmitatem eidem Dionisio et suis heredibus, heredumque suorum successoribus, vt eedem terre per ipsos more aliorum nobilium in Comitatu de Zolum possessiones habencium irretractabiliter possideri valeant et haberi, presentes concessimus litteras dupplicis sigilli nostri munimine roboratas. Datum per manus discreti viri Magistri Theodori Prepositi Scybiniensis, Aule nostre ViceCancellarij dilecti et fidelis nostri anno Domini MşCCş octuagesimo septimo.

(III. Endre királynak 1296-ki megerősítő okmányból; a Radvánszky család levéltárában. Töredékét közzé tette Fejér Cod. Dipl. V. köt. 3. rész 354. lap.)