Ladizlaus Dei gracia Rex Hungarie fidelibus suis Conuentui de Lelez salutem et graciam. Dicunt nobis Magistri Petrus et Jacobus de Panky, quod quedam possessio ipsorum Bezew uocata in Comitatu de Vng existens apud ipsos, habita reambulacione et metarum ereccione indigeret. Super quo fidelitati uestre firmiter precipimus, quatenus uestrum detis hominem ydoneum pro testimonio, coram quo Jacobus de Korchwa, vel Gregorius filius Othman altero absente homo noster conuocatis uicinis et commetaneis uniuersis accedat ad f'aciem prescripte possessionis Bezew, et eandem presentibus ipsis per suas ueras et antiquas metas ueteres, ubi recesse fuerit nouas metas erigendo, reambulet, reambulatamque et ab aliorum possessionibus separatam et distinctam statuat eandem predictis Magistris Petro et Jacobo de Panky eo iure, quo ad ipsos pertinere dignoscitur perpetuo possidendam, si non fuerit contradictum, contradictores uero, si aliqui fuerint, citet ipsos contra eosdem Petrum et Jacobum de Panky in nostram Presenciam ad terminum competentem; et posthec seriem ipsius reambulacionis cum cursibus metarum uel nominibus contradictorum cum termino assignato nobis fideliter rescribatis. Datum Bude in octauis festi Beati Michaelis Archangeli anno Domini MşCCş octauogesimo septimo.

(A leleszi konventnek 1287-ki bizonyságleveléből, mint alább 387. sz. a.)