Nos M. Palatinus Comes Symigiensis et Judex Cumanorum damus pro memoria, quod causam, quam Comes Ochuz filius Buzad, pro quo Geroldus seruiens suus terminum assumpsit, contra Comitem Keled filium Keled personaliter astantem habebat in quindenis Sancti Georgij coram nobis de parcium uoluntate ad quindenas Natiuitatis Johannis Baptiste duximus prorogandam ad peremptoriam responsionem faciendam statu priori permanente, si medio tempore, videlicet in octauis eiusdem festiuitatis Johannis Baptiste coram Cruciferis de Noua Curia per, arbitrium Gotal filij Petri, Laurencij filij Vros, Comitis Marcelli filij Jokos pro parte Comitis Ochuz; item Barnabe filij Vrbani, Bese et Illu filij Buguzlay pro parte aduersa inter se non poterunt concordare, uel si poterunt, comparebunt ad petem recitandam. Et si omnes arbitratores interesse non possent, duo et duo sufficiant pro parte utraque ad arbitrium faciendum; pars uero resiliens de arbitrio uirorum predictorum iudicio decem marcarum subiacebit, prout partes se ad id spontanea obligarunt uoluntate coram nobis; seriem autem facti partes in litteris predictorum Cruciferorum nobis reportabunt. Datum Bude quinta die termini supradicti.

Kivül: Pro Comite Ochuz contra Keled ad quindenas Natiuitatis Johannis Baptiste.

(Eredetie bőrhártyán, melyről a hátul odanyomott pecsét elveszett.; mélt. Szalay Ágoston úr gyűjteményében.)