A B C

Universis presentes litteras inspecturis Capitulum Ecclesie Agriensis salutem in Domino sempiternam. Ad vniuersorum noticiam tenore presencium volumus peruenire, quod Magister Andreas et Nicolaus filij Comitis Andree filij Joance de Guymer ab una parte, et Petrus filius Beler, Koldech filius Gyalma, ac domina Jula relicta Cuchmek, habens secum paruulum filium suum nomine Nicolaum, videlicet Cumani Christiani dicti de Morouth, nomine suo et vice Johannis filij Itek, et Byter filij Tezaneh de Thos, et omnium aliorum cognatorum suorum, absencium Cumanorum, ex parte quorum ad hoc factum in litteris Capituli Agriensis habebant plenum mandatum, ad nostram presenciam accedentes dixerunt; vt predicti Cumani terras siue possessiones eorum, ad presens uacuas et habitatoribus destitutas, in Comitatu Borsiensi existentes, quas ex donacione domini Bele Regis Quarti pie memorie possidebant, videlicet Kyzer, Buzech, Pathbanteluk, Sylk, Colbaz, et Wezeken nuncupatas, et terciam partem terre Rohosnycha uocate, eisdem Magistro Andree et Nicolao, et eorum posteris in permutacione et concambio terrarum infrascriptarum dedissent et statuissent, simul cum suis vtilitatibus omnibus in perpetuum possidendas, priuilegium eiusdem domini Bele Regis, cuius auctoritate predictas terras tenebant, eisdem Magistro Andree et Nicolao spontanee coram nobis manualiter assiguantes; et e conuerso ijdem Magister Andreas et Nicolaus duas terras seu possessiones eorum, vnam videlicet Bese suam hereditariam de Comitatu Borsiensi, et aliam Belad de Comitatu Nitriensi suam empticiam, amhas plenas populis et refertas, et certis metis et antiquis terminis limitatas, eidem Petro et suis fratribus et cognatis Cumanis alijs memoratis, pariter cum suis pertinencijs tradiderunt et assignauerunt iure perpetuo habendas pacifice et tenendas. Insuper inter utramque partem ordinatum et obligatum extitit amicabiliter ac assumptum, vt super factis predictarum terrarum Bese et Belad appellatarum eosdem Cumanos et eorum posteritates ab omni lite et contencione ijdem filij Comitis Andree et eorum successores expedient suis laboribus et expensis; et e contrario ijdem Cumani et eorum posteri eisdem filijs Comitis Andree traditarum, quemadmodum est premissum, facient eciam illud idem in plena possessione et pacifica tenuta illarum terrarum et possessionum ac vtilitatum suarum, se ambe partes mutuo et vicissitudinarie in perpetuum indempniter conseruantes. In cuius rey memoriam et perpetuam firmitatem presentes litteras ad peticionem et instanciam parcium predictarum sigilli nostri apposicione et munimine dedimus roboratas. Datum per manus discreti viri Magistri Cypriani Ecclesie nostre Lectoris anno Domini MşCCş nonagesimo secundo, tercio nonas Julij.

(Eredetie bőrhártyán, melyről a pecsét sárga-vörös-fekete selyemzsinóron függ; a budai kir. kamarai levéltárban.)