Nos Capitulum Ecclesie Sancti Petri de Posoga memorie commendantes significamus vniuersis, quod Johanne fllio Comitis Petri pro se, et pro Borichio ac Belud fratribus suis ab vna parte, Nicolao filio Inocha ab altera coram nobis personaliter constitutis, predictus Johannes confessus est viua uoce, quod quandam terram suam Gramachnik uocatam suam porcionem contingentem, quam pater suus a Raitoldo et Mathia filijs Lorandi Bani pro triginta duabus marcis comparauerat, supradicto Nicolao et suis heredibus pro eisdem triginta duabus marcis plene receptis ex uoluntate predictorum Borichij et Belud fratrum suorum uendidisset perpetuo possidendam; expediturus se assumpmendo ab eisdem fratribus suis, si processu temporum super hoc facto contradixerint. Cuius terre prima meta incipit a parte occidentali in capite riuuli Dolkoki uocati, et ibi sub arbore piri est meta terrea; inde ascendit ad berch versus aquilonem, et peruenit ad viam antiquam, et ibi est meta terrea; inde per idem berch tendit versus orientem, et peruenit ad quoddam kalista, et ibi sub arbore harazth est meta terrea; et peruenit ad locum vadista uocatum; inde per idem berch et antedictam viam peruenit ad viam, que venit a parte meridionali, et ibi sub arbore yhor est meta terrea; inde flectitur ad meridiem, et peruenit vsque ad vnum kalista, ubi sunt tres arbores cherasorum, et sub ipsis meta terrea; inde venit ad arborem pomi, sub qua est meta terrea; deinde deacendit ad tres arbores cherasorum, et ibi prope est fons, qui dicitur Gramachnikfew in ipsa terra, a parte orientali commetatur terre filiorum Zabow, ab aliis vero partibus in eadem latitudine, qua in capite metarum ipsa terra extenditur per siluam usque Murzuna, usque ad Zawam protenditur. Dixit eciam idem Johannes, quod quandocunque presentes nobis fuerint reportate, non obstante ipsius absencia, litteras nostras priuilegiales faceremus super hoc facto emanari. Datum infra octauas Beati Michaelis archangeli anno Domini MşCCş nonagesimo tercio.

(A pozségai káptalannak 1310. »in festo Beati Luce Ewangeliste« »Comes Nicolaus filius Inocha« kérésére kiadott átiratából; a főmélt. herczeg Eszterházy család levéltárában.)