Nos Capitulum Ecclesie Beati Michaelis Archangeli de Castro Ferreo notificamus tenore presencium vniuersis, quod Comes Emericus filius Itemerij de Nadasd, Dominicus et Emericus filij eiusdem ex una parte; Comes Petrus filius Itemerij de Makua ex altera coram nobis constituti super predijs suis infrascriptis huiusmodi concambium se fecisse retulerunt Quod Comite Emerico et filijs eiusdem antedictis porcionem eorum totalem cum omnibus vtilitatibus suis et pertinencijs, quam hereditario jure in Ozkou possidebant, vt dicebat, Comiti Petro prefato dantibus et conferentibus, tradentibus ac ac assignantibus in perpetuum pacifice et quiete ac irreuocabiliter possidendam; idem Comes Petrus in eiusdem porcionis concambium terram eque quantitatis et valoris de terra sua Deregne nuncupata se retulit dedisse, contulisse, tradidisse et assignasse prescriptis Comiti Emerico et filijs eiusdem similiter in perpetuum pacifice ac irreuocabiliter possidendam; ita plene, ut nec ijdem, qui modo premisso concambium habitum super terris suis prenotatis ordinatum, factum, ratum et firmum conseruandum, in posterum habendum et tenendum nobis recitarunt, nec heredes eorundem aut cognati eiusdem concambij titulum reuocandi vnquam ullo tempore habebunt facultatem. In cuius rei memoriam presentes concessimus litteras sigillo nostro roboratas; Magistris Mychaele Preposito, Cosma Cantore, Blasio Custode, Symone Decano existentibus, anno Domini millesimo ducentesimo nonagesimo. tercio.

(A vasvári káptalannak 1363. »feria quinta proxima ante festum Beati Mychaelis Argangeli« Miklós esztergami érsek számára kiadott átiratából; a. budai kir. kamarai levéltárban.)