Nos Paulus et Chosmas filij Comitis Chosme de Bozyn significamus vniuersis quibus expedit per presentes: quod cum ciuibus de Tyerna, et omnibus ad ipsam Ciuitatem pertinentibus, qui in nostra possessione, in quocunque loco fuerit, vyneas habent sytas, in talem concordiam seu composicionem deuenimus: vt de qualibet vinea integra soluent singulis annis nobis tres pensas denariorum Vyennensium in duobus terminis, videlicet in quadragensima vnam pensam, in vindemio uero duas pensas; item de media vinea sexaginta denarios, et de quartali vnius integre vynee triginta denarios soluent in duobus terminis supradictis. Preterea volumus, ut seruitori nostro, cui officium nostrum duxerimus pro tempore committendum in vyndemio et in quadragesima de intregra vynea soluant quatuor denarios, de media uero vynea duos denarios, et de quartali unum. Item pro terragio nostro de qualibet vinea integre, quod vulgariter purchreht dicitur, duos acones vini cum recto et debito acone ville de Bozyn, et duos denarios soluere teneantur. Item pro tributo de qualibet tunella vini que de possessione et de villa nostra ducitur, sex denarios soluant tantummodo et non plures. Item volumus et concessimus, quod quicunque sine herede obierit siue decessorit, dandi, relinquendi et assignandi, cuicunque voluerint, liberam habeant facultatem quadraginta denarijs persolutis, secundum libertatem nostre possessionis. Hys omnibus datis et persolutis vnusquisque vineam suam colet et laboret; et vinum suum deducatur absque aliquo grauamine siue eciam impedimento. Insuper liberum habeant arbitrium, tunellas ipsorum vino repletas, ad currus suos unusquisque trahendo, nisi uoluntarie voluerit aliquem pro precio conuenire. Item custodes suos habeant in vineis ad placitum eorum, nostrorumque hominum cum consilio conueniendo. Et ut ista composicio seu ordinacio inter nos et nostros successores ac predictos ciues in perpetuum et inuiolabiliter possit permanere, presentes litteras nostras pari uoluntate et consen(su) cum pendenti sigilli nostri munimine fecimus roborari. Datum in dominica Invocauit anno Domini MşCCş nonagesimo quinto.

(Eredetie bőrhártyán, melyről a sárga-zöld és barna-zöld selyemzsinóron függött két pecsét elveszett; a budai kir. kamarai levéltárban.)