Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis. salutem in omnium saluatore. Ad vniuersorum noticiam tenore presencium volumus peruenire, quod domina relicta Adam de Gelyb, filia Petri de Kazmer ad nostram accedens presenciam proposuit viua voce: quod terciam partem terre videlicet purcionis ipsius Adam mariti sui, quam habet in ipsa terra Gelyb, pro dote et rebus paraphernalibus suis ac pro quarta filiarum suarum, mediante nostro priuilegio ad ipsum deuolute, cum vniuersis vtilitatibus et pertinencijs suis, et specinliter cum dimidietate vinee sue, et medietate pomeri sui, simul cum vninersis edificijs ciomorum suarum dedisset, donasset et contulisset domine filie sue vxori Dyonisij filij Zeme, et per eam ipsi Dyonisio ac heredibus ipsorum perpetuo possidendam et habendam. In cuius rey testimonium ad instanciam eiusdem presentes contulimus sigilli nostri munimine roboratas. Presentibus tamen Magistro Johanne Lectore, Mykow Custode, Petro de Kemey, Briccio de Zobolch, Magistro Johanne de Heues Archidiaconis et alijs multis. Anno Domini MşCCş nonagesimo sexto; regnante Andrea illustri Rege Hungarie, Lodomerio Strigoniensi, Johanne Colocensi Archiepiscopis, domino nostro venerando patre Andrea Dei gracia Episcopo Agriensi existentibus.

A B C

(Eredetie bőrhártyán, a zárpecsét elveszett; a budai kir. kamarai levéltárban.)