Capitulum Ecclesie Wesprimiensis omnibus Christi fidelibus presens scriptum intuentibus salutem in Domino sempiternam. Ad uniuersorum noticiam tenore presencium volumus peruenire: quod Magister Ladizlaus Fudor dictus filius Mor tunus nobilis de Wesprimio coram nobis personaliter constitutus vniuersas possessiones suas in Wesprimio, in Bosuk et in Kayar hereditario iure habitas et possessas, cum omnibus utilitatibus suis et pertinencijs, rebus eciam mobilibus, pecoribus scilicet et pecudibus uniuersis, quas in eisdem possessionibus (suis) dicebat se habere, Luce filio Lukach genero suo, et domine Elysabeth sorori sue, consorti eiusdem Luce, ac Johanni filio eius de eadem sorore sua procreato, qui aderant, ob eximie dileccionis recompensacionem et fauoris- - - - - - specialius conceptorum se omnino deproprians de ipsis possessionibus suis et rebus prenotatis, dedit, contulit et donauit iure perpetuo pacifice et quiete ac irreuocabiliter sine preiudicio iuris Ecclesie nostre possidendas in filios filiorum; ita plene, quod nec ipse Magister Ladizlaus, nec quispiam cognatorum suorum possessiones premissas et res modo prefato donatas retro habendi vel requirendi ullo unquam tempore habeat facultatem. In cuius rei testimonium presentes concessimus litteras sigilli nostri munimime roboratas. Datum per manus viri discreti Magistri Hermani Lectoris Ecclesie nostre anno Domini MşCCş nonagesimo sexto, VIII. idus Julij. Reuerendo in Christo patre domino Benedicto Dei gracia Episcopo domino nostro, Aule domine Regine Cancellario; discretis viris Magistris Andronico Preposito, Petro Cantore et Laurencio Custode Ecclesie nostre existentibus.

(Eredetie bőrhártyán, hártyazsinegen függő pecsét alatt; a főmélt. herczeg Eszterházy család levéltárában.)