Conuentus Monasterij Waradyensis vniuersis Christi fidelibus presentes litteras inspecturis salutem in Domino. Ad uniuersorum noticiam tenore presencium volumus peruenire, quod Paulus filius Benedicti filij Tyburcij de Owzd nobilis de Comitatu de Barana personaliter in nostri presencia constitutus, proponens et confessus viua voce, quod cum nobilis domina mater sua in extremis laborans, vltimaque voluntate sua, quando vltimum viaticum et sacrosanctam in facie Ecclesie recepit vnccionem, rogans petisset ab eo animo diligenti et precordialiter ac deuote, ut ipse quendam puerum Blasium nomine, filium ancille sue Melka vocate, de bello contra Booznenses facto in captiuitate adducte, ob suorum propriorum, ac parentum suorum, ac prenomiuati mariti sui Benedicti remissionem peccaminum, manumitteret aureeque libertati condonando. Nunc autem ipse Paulus ad huiusmodi pias et deuotas preces domine matris sue, et eciam propter grata seruicia predicte ancille Melka, que ipsa domine matri sue fideliter et indefesse exhibuit et impendit, presentem puerum Blasium, presentem coram nobis manumisit, recepta eciam vna marca ab eodem, ac perpetue libertati condonanuit eundi, nec non commorandi, sibi et omnibus descendentibus ab eodem, vbicunque voluerint, liberam dans de cetero facultatem; assumendo, ut ipse Paulus eundem Blasium ab omni impetitore super facto libertatis sue expediet et defensabit semper et vbique. In cuius rei memoriam et perpetuam firmitatem presentes concessimus litteras sigilli nostri munimine roboratas. Datum anno Domini MşCCş nonagesimo sexto, mense Septembri. Petro Decano, et Bohmylo Custode existentibus, ceterisque fratribus nobiscum Deo iugiter famulantibus et deuote.

(Eredetie bőrhártyán, zöld selyemzsinóron függő pecsét alatt; a főmélt. herczeg Eszterházy család levéltárában.)