Capitulum Budensis Ecclesie vniuersis Christi fidelibus quibus presentes ostendentur salutem in eo qui est omnium uera salus. Vniuersorum noticie tam presencium quam futurorum harum insinuacione litterarum uolumus fieri manifestum, quod dominus Andreas Dei gracia illustris Rex Hungarie dominus noster in medio nostri personaliter astans ab una parte, et Magister Jacobus filius Hernardi ex altera, super quibusdam possessionibus in subsequentibus nominandis tale cambium inter se dixerunt fore ordinatum: quod idem dominus Rex quandam possessionem Monorokerec uocatam in Comitatu Ferrey Castri existentem, que quondam Chepani filij Kazmerij fuerat, et eo heredum solacio destituto de medio sublato iuxta consuetudinem Regni in manus Regias deuoluta, cum uillis ad eandem pertinentibus, videlicet Mendzenth, Zenthpeter, Belud, Heyl, Tothfolu et Fyuzes nuncupatis, cum omnibus utilitatibus et pertinencijs earundem, sub eisdem metis, signis et terminis, sub quibus ipsa possessio totalis per eundem Chepanum habita fuisse dignoscitur pariter et possessa, dedit, tradidit et assignauit eidem Magistro Jacobo, et per eum suis heredibus ac suorum heredum successoribus pacifice et irreuocabiliter possidendam; assumpmendo nichilominus ipsum Magistrum Jacobum ab omnibus occasione dicte possessionis inpetere, uel in toto molestare nitentibus defensare Regio cum fauore. In cuius quidem possessionis permutacionem seu concambium idem Magister Jacobus possessiones suas Vruzuar Royka, Zerdahel et Cheturtukhel uocatas, ad se solum modis omnibus, ut dixit, pertinentes, cum utilitatibus earundem vniuersis, videlicet tributis, piscaturis et locis piscacionum, sub metis prioribus et antiquis, quibus per ipsum et predecessores suos habite fuisse dinoscuntur, dedit et assignauit eidem domino nostro Regi habendas iure perennali; obligando se ab omnibus, et specialiter a generacionibus suis ipsum dominum Regem occasione possessionum memoratarum defendere suis proprijs laboribus et expensis. Iu cuius rei memoriam perpetuamque firmitatem ad instanciam et peticiouem eiusdem Jacobi presentes litteras domino nostro Regi concessimus sigilli nostri munimine roboratas. Datum per manus discreti viri Magistri Pauli Lectoris Ecclesie nostre anno Domini MşCCş nonagesimo septimo. Magistro Ihoanne (igy) Cantore, Magistro Gregorio Custode, Ihoanne Decano, Nicolao, Lucacbio et Andrea sacerdotibus, Thoma, Jacobo et Petro Magistris, ceterisque Canonicis existentibus.

(Eredetie bőrhártyán, melyről a pecsét vörös-zöld selyemzsinóron: függ; a főmélt. herczeg Batthyáni család levéltárában.)